117
3
2
港鐵佐敦站 C2 出口, 步行約2分鐘 繼續閱讀
電話號碼
26692118
營業時間
今日營業
12:00 - 22:00
星期一至日
12:00 - 22:00
付款方式
現金
其他資料
電話訂座
加一服務費
食評 (132)
等級8 2021-07-22
957 瀏覽
原來台式一人一鍋已經好耐無食過,再睇番小弟自己嘅食評,對上一次已經喺兩年幾前嘅事,然而,對呢一類一人火鍋嘅形式感覺唔錯。今晚約咗其中一個「死佬」飯聚,選址就番佢,所以,揀咗嚟到佐敦嘅「十二鍋」。貪其位置又近港鐵佐敦站,但小弟又可以揀搭屯馬線返美孚,夠晒方便。餐廳內裡嘅環境其實晌鋪面一眼望得晒,裝修簡約明淨,部份牆身嘅花磚幾靚,但最緊要喺夠乾淨企理。因為限聚條件下,大致上以4人位為主,我哋揀咗張較入角落位置嘅4人枱,靜靜侷更方便傾偈。既然喺主打台式嘅一人鍋,咁就梗喺先介紹火鍋選擇啦,共12款湯鍋套餐,有晒圖做參考,而且,更列清楚鍋內有咩配料,其中第12鍋喺期間限定,而呢期就喺濃郁荽茜鍋。每一款套餐包括埋白飯或韓國粉絲(+$7可升級為滷肉飯或烏冬)、 凍低糖紅茶或綠茶(同樣,可+$7轉為餐牌中$28或以下飲品)。除火鍋之外,仲有多款特色小食、加點食材及麵飯主食,所以,如果喺一家人或兩夫婦等組合,大可唔需要一人一鍋,而改加點其他配料及主食。然而,目測所見,幫襯嘅都喺以年輕人居多,因為百零蚊就可以食到飽一飽。既然喺台式餐廳,台式飲品自然成為另一亮點。飲品餐牌中,有近成30款飲品,由經典純茶、手調特飲、經典奶茶、果汁梳打、特色奶雪……等等。不愁無選擇,梗有一款啱你心水。落好單,店員就會送上4款調味料俾客人佐食,包括生蒜蓉、辣椒油、豆瓣醬及沙茶牆,當然,豉油早已晌枱上備用。 不過,小弟嘅湯鍋自覺夠晒味,亦唔多需要再額外提味。夜市雞皮捲 $36本來我哋打算叫兩個鍋就算,不過,見呢一款小食大家都未食過,平常去啲台式餐廳都好似無,當然點一客試試。外層嘅雞皮煎到好脆口,又帶少少油香,卻唔覺肥膩,再咬落去,裡面嘅雞肉好嫩滑,真喺有啲驚喜。芝士竹輪壽喜燒 $115 友人點咗壽喜燒湯底,所以,味道帶少少甜味,但感覺又幾清,唔會影響食材嘅原味。晌餐牌已標明有牛肉、蟹棒、芝士竹輪、南瓜、粟米、雞蛋、娃娃菜、炸枝竹、鳴門卷、香菇、金菇、蛋餃、芝士魚豆腐、蜂巢豆腐等十多種配料,雖然無真正數過,但目測都差唔多,一大鍋樣樣有啲,完全滿足到港人嘅樣樣都想試嘅心態,再加埋啲韓式粉絲,真喺一鍋「豐」,加上食材用料不賴,份量又十足,老友算喺大食之人,都話食到好飽、好滿足。黑糖奶茶 +$7指定嘅兩款飲品佢都麻麻哋,所以,加錢轉飲黑糖奶茶,佢話茶味唔錯,雖然唔似港茶奶茶咁濃郁,但都頗芳香,加上黑糖嘅香味,整體嘅感覺幾好。蟲草花藥膳羊鍋 $115有羊肉,就梗喺揀呢個蟲草花藥膳羊鍋,加上喺蟲草花同藥膳,心理上都養生啲嘛,哈哈。同樣,餐牌都列明晒有咩配料,包括羊肉片、蟲草花、鮮淮山、濃汁豬肉丸、爆汁牛肉丸、冬瓜、娃娃菜、炸枝竹、鳴門卷、香菇、金菇、蛋餃、芝士魚豆腐、蜂巢豆腐,一大鍋,真喺睇見都開心。個藥膳味唔會好似肉骨茶嗰類咁重,入口醇香;配料咁多,就唔逐個講喇,但基本上都唔喺平貨料,羊肉就OK啦,可能放得耐咗,開始有少少韌,但啲豬肉丸、牛肉丸、芝士魚豆腐真喺好好食。滷肉飯 +$7我個餐由白飯轉咗滷肉飯,不過,都喺叫嚟一齊試。飯面鋪滿滷肉,睇落啲滷肉少少肥咁啦,但跟飯撈勻嚟食,就唔喺好覺,而入口味道香濃,滷肉口感鬆化,加上飯粒軟熟,整體嚟講喺唔錯。菠蘿四季春 +$7 今次無飲珍珠奶茶,改試呢款菠蘿四季春,其實,果茶我一向都啱,加上今次食啲味道稍濃嘅藥膳湯鍋,飲啲清新嘅果茶就更好。冰涼嘅四季春,口感清爽,滲出陣陣清甜嘅菠蘿香甜味。初初入座時間早,入座率約五成,走嘅時候已差唔多滿座,材料豐富,份量十足,服務貼心,都哋吸引客人嘅因素,加上定價相宜,又近地鐵,所以,都無怪乎好生意。但願疫情唔好再出咩亂子,咁大家就可以好好過日子。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-03
282 瀏覽
😍莊士倫敦廣場一向係佐敦火鍋集中地。今次我哋唔算太肚餓,所以唔食放題,而係食一人鍋。餐廳總共有12款鍋,包括期間限定:荽茜雞鍋,可以選擇雞牛豬羊,會配飯或韓國粉絲,加$7 可轉烏冬/滷肉飯 。每個餐都會附送紅茶/ 綠茶,不過想飲得盡興,可以轉台式特飲。🍲台式沙茶牛肉鍋+ 古早冬瓜茶$122沙茶湯底位於人氣排行榜第二名,味道濃郁,配料豐富,有肥牛、米血糕、蜂巢豆腐 、蛋餃等等,仲係少有加咗台灣麵線嘅湯底,麵線同蜂巢豆腐吸收晒成沙茶味,特別惹味。仲有大大粒貢丸,入面有芋泥,幾有驚喜。 我哋2 個餐都加$7升級做滷肉飯。 🍲一品酸辣白玉鍋 + 芋香奶綠 $122就算朋友唔食牛肉,呢度都有唔少選擇。佢簡咗相對少人食過嘅酸辣鍋。酸菜腐皮嘅湯底好入味,酸菜同娃娃菜份量幾多,同埋覺得麻辣鴨血整得好味。 🍗夜市雞皮捲 $36食捲真的很興奮!因為喺香港好少有,疫情前幾年去咗台北十份食雞皮捲,一試難忘。😍😍脆香外皮包住嫩滑嘅雞肉, 熱辣辣。調味唔似台灣咁有得落調味粉,但係勝在平凡得嚟唔會過鹹,比喺葵廣小食店更為正宗好味。🌭墨花臣雙色腸$42 份量幾多,台灣腸水準正常,墨魚腸中間有墨魚粒嘅咬口。 繼續閱讀
(以上食評乃用戶個人意見 , 並不代表OpenRice之觀點。)
疫情下想打邊爐但又驚大家一齊洗筷子?🤣相信唔少人都會選擇一人一鍋😼✨今次介紹嘅十二鍋份量多 價錢合理而且親民!仲有12款湯底🥘同埋 10幾款小食選擇🍤🍥唔怕無心水😚!.① 台式麻辣鍋 配 滷肉飯 ($88+7)// 打邊爐最鐘意就係麻辣湯底🌶😼 麻辣湯唔算好香麻味而且唔會勁濃勁重口味 不過都唔錯的ᕕ ( ᐛ ) ᕗ 牛肉用咗肥牛🥢肥瘦均勻唔會好老❤️ 而爆汁牛丸小編覺得還好 唔算爆曬汁 不過整體配料一啲都唔孤寒✨一人鍋仲會跟一個主食 小編就揀咗+$7配滷肉飯🍚✨味道都唔錯 飯粒唔會過腍而且醬汁都夠撈成碗飯😚整體一人鍋set嘅份量都幾多 唔洗驚食唔飽🤰🏻!!!//[🫕配料:麻辣鴨血,牛肉,爆汁牛筋丸,蟹籽丸,鳴門卷,芝士魚豆腐,娃娃菜,蜂巢豆腐,炸枝竹,香菇,金針菇,蛋餃]Food:🌕🌕🌕🌕🌕🌑② 芝士竹輪壽喜燒 配 烏冬 ($88+7)// 依款湯底有啲似吉野家邊爐嘅湯底🤣不過味道就會濃啲同埋都有壽喜燒微甜嘅精髓🤏🏼同樣地配料都幾多😼而主角芝士竹輪就有兩舊✌🏼一咬落去會爆芝士🧀🤩依個set就揀咗配烏冬食🍜烏冬預先煮好咗先送上枱~不過想食埋湯嘅精華就可以落湯煮一陣再食就會更加好味👅//[🫕配料:牛肉,蟹棒,芝士竹輪,南瓜,粟米,鳴門卷,芝士魚豆腐,娃娃菜,蜂巢豆腐,炸枝竹,香菇,蛋餃]Food:🌕🌕🌕🌕🌕🌑③ 鹽酥雞 ($42)// 見好多人都讚十二鍋嘅鹽酥雞幾唔錯🐓✨果然鹽酥雞炸到酥脆 而且調味粉都足夠沾滿雞塊🤤幾值得試吓✨//Food:🌕🌕🌕🌕🌕🌑 ④ 台式麻辣鴨血 ($38)// 麻辣鴨血好滑 但都係略嫌麻辣底唔太夠麻香🤏🏼//Food:🌕🌕🌕🌕🌗🌑⑤ 紐西蘭羊肉片 ($48)// 羊肉愛好者打邊爐點少得羊肉🐑💫半肉一份份量唔會太少 而且味道都ok 肉質仍唔會太老👅幾抵食//Food:🌕🌕🌕🌕🌖🌑⑥ 冬瓜茶 (+$7)// 冬瓜茶唔記得叫少甜所以有偏甜咗啲😫不過好大杯而且飲落都幾解膩😚//Food:🌕🌕🌕🌕🌑🌑.🍲十二鍋 (佐敦)佐敦彌敦道219號莊士倫敦廣場地下4&5號舖🍮#aiiifoodie 🍔 #aiiifoodie_jordan #aiiifoodie_佐敦#jordan #佐敦 #火鍋 #十二鍋 #hotpothk #佐敦火鍋 繼續閱讀
(以上食評乃用戶個人意見 , 並不代表OpenRice之觀點。)
👍🏻台式麻辣鍋 配 粗粉絲 $115配料超豐富,有成12樣餸咁多🤤最正係爆汁牛丸!牛味勁濃郁,混左少少牛筋咬落真係爆曬汁,差啲淥親條脷🤪湯底比想像中冇咁油,唔係紅油勁厚個種👍🏻滾滾下原來都幾麻幾辣,夠過癮🤤粗粉絲係韓式粉絲,口感煙韌,超吸湯🤩!呢款岩哂重口味朋友👹味道:8/10性價比:8/10-👍🏻台式沙茶牛肉鍋 配 烏冬 $115+$7另一款重口味主打,湯底沙茶味好香濃🤪再邪惡啲仲可以自己落啲沙茶醬落去滾👹!配料同麻辣鍋差唔多,不過鴨血同蟹籽丸就變成芋泥貢丸同台灣麵線芋泥貢丸幾特別👍🏻咬落有肉汁之餘,中間既芋泥餡係爆漿架🤩呢款鍋除左本身既飯/粉絲,仲有台灣麵線😳麵線超掛湯,好正🤣烏冬本身淥熟左,滾一滾就食得,都算彈牙呢款份量真係超大!岩哂男仔食🤣👍🏻味道:8/10性價比:9/10-👍🏻夜市雞皮捲 $36即整熱辣辣,趁熱食好食👍🏻外面既雞皮好脆,包住既雞肉好juicy雞皮灑左少少椒鹽,唔會太咸😋個size切得岩岩好,可以一啖放入口唔驚爆哂啲汁出黎食到好污糟🤣味道:8/10性價比:8/10-👍🏻黑糖薑母茶 +$7👍🏻菠蘿四季茶 +$7👍🏻蜜桃梳打 $30跟餐本身有一杯冰紅茶/冰綠茶,$28或以下特飲就加$7黑糖薑母茶岩哂女仔飲🤰🏻黑糖味重但唔會好甜,帶少少薑既辣菠蘿四季茶味道唔甜唔酸係有菠蘿香味既四季春,超解渴😛👍🏻蜜桃梳打好夠凍又夠汽,亦唔會太甜,爽🤣!味道:8/10性價比:8/10-個爐用炭精起火,雖然好快熄左,但咁樣火力無咁猛慢慢食滾住都唔怕滾到啲野食過熟,呢點讚😌👍🏻-📍#十二鍋佐敦彌敦道219號莊士倫敦廣場地下4&5號舖 繼續閱讀
(以上食評乃用戶個人意見 , 並不代表OpenRice之觀點。)
約了未來台灣媳婦吃飯 想台灣就吃台菜這間十二鍋台式火鍋店很多人推 來試試清新的藍色系裝修 梳化座位也闊落舒服十二款不同湯底配菜 套餐配粉絲及飲品也只是一百出頭的價位 性價比相當不錯- 🐾自選鍋物 + 飯/粉絲 + 紅/綠茶 = $115🐾-🐾台式麻辣鍋🐾麻辣湯底辣度適中花椒味濃 配料頗豐富有牛肉/鴨血/米血糕/丸/蜂巢豆腐/菇菜等每款份量不多 但加起來還是相當飽肚的朋友最欣賞的是有芋頭餡的丸 好有口感-🐾養生藥膳羊肉鍋🐾藥膳味不濃容易入口 配料相應地有分別有羊肉/蟲草花/瓜菜/丸/鮮淮山/炸枝竹等湯頭清香不混濁 是比較養生補身的選擇-值得一提是爐火不猛 不用加湯不會變淡但要定時換火較麻煩 服務算有效率抵讚-🐾現切封門柳🐾 $98即牛橫隔膜肌肉 份量不少肉味較濃不韌-🐾麻辣鴨血🐾 $38嫩滑飽滿香辣入味 朋友說再厚些就完美-🐾鹽酥雞🐾 $42啖啖肉香酥脆口不油膩 調味很夠很過癮-🐾金橘檸檬寶綠🐾不會太甜 清新的味道配重口味火鍋正好-🐾野莓奶雪🐾介乎於奶昔與沙冰之間 莓味清涼也解膩 繼續閱讀
(以上食評乃用戶個人意見 , 並不代表OpenRice之觀點。)