阿爺燒鵝餐室 (已結業)

之前新開張都見到好多人排隊，繼而疫情之下亦唔少人買外賣。開張之後都幫襯過幾次早餐，正正常常。亦都幫襯過午餐，個人認為燒肉非常高質。所以一直都念念不忘。但因為價錢相對比較高，加上疫情冇再堂食，放寬後，價格亦下調了，終於再去一次。衛生情況相當嚇人基本上全餐飯我都喺度守護自己個燒味，烏蠅嘅數量大概係6隻多，不停喺你餐枱附近想食你個飯，我全程用手擋烏蠅，留意到其他客人都係不停用手撥走烏蠅，大家都對眼搖頭，相當恐怖。烏蠅仲降落左喺我知飲筒，當堂崩潰。之前看到有其他食評都有提出過有太多昆蟲，亦都提出廁所，及餐廳設計對流有問題，我都不以為意，原來真係影響咁大，依家咁嘅衛生情況絕對唔夠膽再去。