影片
更多
2015-07-26
545 瀏覽
估唔到有人會喺住宅區開一間飲日本清酒食刺身串燒嘅餐廳。酒櫃琳瑯滿目，可惜我唔飲酒，哈。 是日主打燒物。平時少食日式串燒，所以唔知正唔正宗，只識得跟據個人口味形容。 燒蔬菜比較一般。露筍鮮甜但燒得略生…唔…個人認為呢啲唔係爽口係有啲生…茄子燒完剝皮切段加木魚碎，冇咗燒烤嘅香味，反而有啲似煮熟…好似中式蒜蓉蒸仲惹味，哈。 肉同魚反而唔錯。蒲燒鰻魚汁香肉嫰，肉身算厚唔係平嘢賣貴。羊架有七八成熟但仍肉質鮮嫰，但略嫌欠羊肉應略帶嘅羶味。醬油燒飯團，唔係燒香咁簡單，係燒到變飯焦包飯!咁煲仔飯正啲喎… 附近有區議員反對呢度獲發酒牌嘅横額。其實唔駛擔心，今晚叫酒飲嘅人唔多…呢度似乎太專注賣酒，食物選擇似乎偏少。始終住宅區，就算賣酒，都要搞好食物選擇同質素先最實際，高街啲酒吧都好多嘢食㗎…
是日主打燒物。平時少食日式串燒，所以唔知正唔正宗，只識得跟據個人口味形容。
燒蔬菜比較一般。露筍鮮甜但燒得略生…唔…個人認為呢啲唔係爽口係有啲生…
茄子燒完剝皮切段加木魚碎，冇咗燒烤嘅香味，反而有啲似煮熟…好似中式蒜蓉蒸仲惹味，哈。
肉同魚反而唔錯。蒲燒鰻魚汁香肉嫰，肉身算厚唔係平嘢賣貴。羊架有七八成熟但仍肉質鮮嫰，但略嫌欠羊肉應略帶嘅羶味。
醬油燒飯團，唔係燒香咁簡單，係燒到變飯焦包飯!咁煲仔飯正啲喎…
附近有區議員反對呢度獲發酒牌嘅横額。其實唔駛擔心，今晚叫酒飲嘅人唔多…呢度似乎太專注賣酒，食物選擇似乎偏少。始終住宅區，就算賣酒，都要搞好食物選擇同質素先最實際，高街啲酒吧都好多嘢食㗎…
張貼