為食火鍋公司

營業中

休息中

觀塘都有正既任食雞煲！喺創業街就係觀塘同牛頭角之間，雖然條街人流唔多但係間餐廳入邊係坐滿人。見到餐廳嘅標誌係一隻狗，我諗老闆都應該係愛狗之人，店內裝修得幾整齊咁好舒服。睇到門口有好多擺設。七點已經爆曬！專登平日黎。希望早d入去坐。兩個人坐四人枱好舒服。一開始嚟咗個刺身先，有希靈魚，三文魚仲有大蝦！超級厚切同埋勁新鮮。一開始先叫個雞煲先，揀左bb辣！店員都好快上菜，先解釋咗每2分鐘要抄一次，雞件好嫩滑，醬汁香濃，好入味。最後再落埋豬皮同埋魷魚，超正！食雞煲食到飽就可以加湯轉打邊爐！佢原來係成個煲拎走！我仲以為佢就咁加湯。火鍋嘅湯底係蕃茄薯仔，火鍋配料第一轉有海鮮之後再要就要加錢。任你揀有肥肉、丸類、菜類等。飲品有解茶烏龍茶巨峰提子等等，任食任飲價錢又唔貴。最緊要環境夠乾淨。