金田家 (已結業)

很喜歡呢度既薯餅, 炸得外脆內唔干, 仲唔會油淋淋。 雖然呢排生左D暗瘡, 但美食當前都係冇法啦!薯餅係2塊一份, 配沙律醬 (定係蛋黃醬?), 我覺得唔點醬食都冇問題。因為唔記切開一半影相, 食到最後先記得影相, 所以得反一啖既相, 雖然不太美觀, 但可睇到入面的牛肉同粟子料。其中一塊係牛肉薯餅, 入面有牛肉碎, 有牛肉咸香味。薯餅個皮唔厚, 咬開出面個脆皮後, 就會感覺裡面軟林林。第二塊係粟子紫薯薯餅, 甜甜地, 間唔中會咬到入面個料好煙UN, 原來係粟子, 感覺好足料, 呢塊因為本身甜, 所以唔洗點醬。 另外, 亦有食左經典叉燒拉面, 不過冇影相, 個湯好香, 食完冇口渴。