191
77
11
港鐵銅鑼灣站 B 出口 繼續閱讀
所有分店 (4)
電話號碼
28893355
開飯介紹
曾被日本搵食網選為2013年最佳食店之一的金田家,是來自日本福岡縣的過江龍。18小時長煮湯底加秘製醬料有別於一般在港吃到的拉麵,叉燒材料更選用沖繩和鹿兒島的豬肉。 繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
公眾假期前夕
12:00 - 23:00
付款方式
現金 八達通 支付寶
座位數目
24
其他資料
Wi-Fi
酒精飲品
電話訂座
外賣服務
加一服務費
當面支付
食評 (295)
等級4 2018-08-09
671 瀏覽
好友外遊回港,說要給我派手信,相約到銅鑼灣一敘。本來想搵間餐廳坐低慢慢傾,不過原來友人還有下場,反而提議同我去登龍街食拉麵。登龍街向來被稱為「香港拉麵街」,皆因短短嘅一條街,就已經有成六間拉麵店,既然友人有心水,今次就一於交由佢發辦,最後選了這間來自九州福崗的拉麵品牌「金田家」。由於揀了個較早時段到訪,所以店內人客不多,無需輪侯,便已經可以即時入座。店子以深啡色為主調,內裡地方不大,但走廊通道頗為闊落,用餐區設有數多張二至四人的木檯木櫈,而最入就係一列呈 L 形嘅吧檯位,配上旁邊嘅半開放式廚房,裝潢簡潔俐落。打開店員送上的餐牌,拉麵口味共有 8 款可供選擇,定價由 $78-$108 不等,拉麵除咗可以揀款式之外,仲可以揀麵嘅硬度同埋要唔要蔥。而小食就有枝豆、雅布尼叉燒、大將餃子、唐揚雞塊同男爵薯餅。至於飲料方面,就有罐裝汽水、綠茶、氣泡清酒、啤酒、梅酒及果酒等供應。我揀咗黑松露拉麵 ($108),並且追加咗溏心蛋 ($14)  同粟米 ($7),而友人就點了黑豚拉麵 ($98)。我選嘅黑松露拉麵率先送上,趁熱先嘗一口湯,聽友人講,這碗拉麵是選用了店家秘製的「Cappuccino 豚骨湯底」,每窩用上 100 斤豚骨及雞骨熬製 21 小時而成,唔怪得個湯底咁濃稠啦,而且每一口都散發著濃郁的黑松露香氣,味道果然不俗。至於拉麵方面,由於點了硬身,所以就算浸了一會兒才吃,也沒出現過腍現象,加上幼長的麵條,入口煙韌彈牙,非常爽滑,掛湯效果令人滿意,再配埋輕細的木耳絲、清香的蔥粒及脆身的紫菜一起吃,滋味滿足。追加的溏心蛋亦十分出色,火候控制得剛好,蛋味濃郁又夠香,溏心效果一流。叉燒選用了油脂較少嘅日本鹿兒島黑豚肩肉,塊塊都非常大片,肉質軟腍嫩滑,入口即溶。友人見我大讚好吃,即時心心眼,除了嚷著要追加多一份黑豚叉燒 ($33) 外,更立刻再加點了一客腩肉叉燒 ($20)  同小食唐揚雞塊 ($35)。腩肉叉燒薄切,肥瘦分明,食落幾有咬口,吃罷口腔更會充斥著一絲絲油香。唐揚雞塊一客 4 件,雞件炸粉很薄,表面脆卜卜,咬下內裡仍然 juicy 多汁,配酸咪咪的他他醬吃,非常解膩。至於友人點的黑豚拉麵,配料同樣有薄切叉燒,不過這碗就有成五塊咁多,叉燒一片片地排在碗邊,看起來猶如盛放的花朵,賣相頗佳。友人讓我先嘗一口呈奶白色嘅湯底,質感濃厚稠密,而且入口充滿豚骨的香味,就算多喝幾口也不覺膩滯,十足嘅九州風。另外檯上有店子自家炒製的高菜和紅薑絲,客人可以按個人口味,自行加進拉麵內,增添風味。吃完一整碗拉麵,感覺相當滿足,下次有時間會再嚟試下其它口味的拉麵。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-17
203 瀏覽
系拉麵館林立既燈籠街,  又選一間拉麵店試下! 見呢間系燈籠街都好耐下~ 但係一直冇機會試! 今次終於輪到佢! 見佢系做九州拉麵! 湯底選擇都比較多! 而且覺得柚子辛口 湯底  個名比較吸引! 要試下系咪伏先! 嗌jor 兩碗! 一碗系柚子辛口湯底 同黑豚拉麵! 柚子辛口拉麵, 一開波飲jor 啖湯, 其實很ok! 因為一開始 感受到, 小小柚子那個清新感, 之後後帶小小辣口, 但係那種辣口唔系平時加辣椒醬或油那種, 佢刺激你幾秒而已, 完全唔會令你覺得辣到食唔倒第二啖,  清新感覺! 很不錯! 拉麵選了普通軟硬度, 口感都好好~ 唔會覺得散. 個人畀叫中意. 另外那個黑豚拉麵, 佢個豚肉擺設都好誇張下, 顯得好似好多咁~ 好似系~ 而個湯底系normal 湯底, 飲落去 唔會好似其他咁濃, 帶清, 唔會令你想飲好多水既感覺. 味道算可以! 大胃既我地, 再追加1份豚肉, 一份黑豚叉燒 , 燒得好香啦~ 油肉比例剛剛好! 食落口, 軟綿綿! 唔怕食肥小小朋友! 可以享受下呢個! 小食, 推介呢個薯餅! 男爵薯餅, 系北海道比較有名既番薯! 有2塊, 分別有咸食同甜食. 紫薯那個系甜食, 好香好脆~ 又一軟綿綿感覺!咸食那個系馬鈴薯, 加上沙律醬! 好可口! 而且呢度除jor 冇酒精飲品外, 都有好多酒精選擇! 水果酒同埋梅酒! 不過我唔飲的, 要jor 一杯乳酸蘇打! 都算可以!  繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-23
0 瀏覽
銅鑼灣登龍街地舖的金田家,我覺得湯底的味道和拉麵的質感都是一般。金田家,這名氣好像響一點,論到拉麵,我倒覺得名過於實。在中午的時段,人流也不多。隨意選了這個MX豚骨拉麵,還加了一份玉子。豚骨湯底的味道本身很濃厚,不過缺少了這種老火淆出來的味道。選擇了硬拉麵,麵本身的質感其實不錯,很爽口。不過,麵和湯不是很入味,可能湯上缺少了油來浸麵。這一份玉子,我較為喜歡分開上,太快給湯煮熟了,缺乏了玉子的新鮮味道。這間金田家的拉麵只能給我普通的感覺。環境和服務也是很一般,服務員也不很起勁。不過,款式和配搭就比較新鮮。CalvinCanEat 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-08
39 瀏覽
聽說金田家是九州No.1拉麵店,曾多次奪得日本拉麵大獎,我和老公決定到登龍街的分店試一試這九州第一的虛實。很多在香港開設的日本拉麵店座位麵很擠逼,而且空調很弱,吃麵時總是大汗滴細汗,麵店好像恨不得要你快快吃完然後結帳走人。沒想到金田家的裝潢會這麼令人格外醒神,座位頗闊落,抽油煙系統也做得不錯,不會讓人感到焗促悶熱。下單也是多數拉麵店的做法——剔紙仔,有厚厚的menu讓你先看圖然後才下單。拉麵選擇不少,我和老公分別點了黑豚拉麵(追加溏心蛋、木耳)、雞白湯豚骨拉麵(追加溏心蛋、芽菜)及大將餃子。我吃的黑豚拉麵所用的是幼麵,彈牙不會硬,湯底濃稠,還有很多片黑豚叉燒,軟腍入味,以這個份量和質素來說,真的蠻驚喜。值得一提是溏心蛋,我和老公都有追加,這是必試,流心蛋黃,味道濃郁帶點甜,做得很好👍🏻老公吃的是雞白湯豚骨拉麵,我們最初見湯底頗清,以為味會偏淡,但試一口湯,嘩!雞味特濃,明顯足料!所用的拉麵是曲麵,較為粗身(因為老公只是粗身拉麵),也是硬度適中。我們還另加一客大將餃子,中規中矩,沒有很大驚喜,見鄰座吃的炸雞還蠻吸引,有點後悔😂 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-08
28 瀏覽
喺 FB 見到有優惠,第2碗有半價。所以襯人少少,平日Lunch去試試。之前上網見到佢個黑豚拉面,好大碗又有好多叉燒,所以叫左。朋友就試左豚骨拉面。上枱,個黑豚拉面真係好多塊叉燒,仲好大塊,好似圓型午餐肉甘大,唔肥好味。至於豚骨拉面,都有3~4塊叉燒,佢啲叉燒就細好多好似細罐裝午餐肉甘,有燒過,較為香口。面底份量,女仔黎講OK夠飽,男仔就一定要加面底。另外,個餃子都唔錯。今次有優惠去食,人均100蚊算幾抵。 繼續閱讀
(以上食評乃用戶個人意見 , 並不代表OpenRice之觀點。)