影片
更多
2021-03-23
201 瀏覽
上年剛搬嚟新店嘅時候買過外賣覺得幾好食，今日喺旺角諗起又去食吓。兩點幾去到都接近坐滿，不過都唔駛等就入座。坐位迫迫哋，而且我今日著短褲，隻腳有啲嘢撩撩吓，成程食得有啲唔自在😅😅見佢午市餐都好豐富吓，有2小食+1主食+1湯+1飲品，雖然覺得少貴，但都試吓啦，轉青檸梳打要加HKD12，但又轉吓啦，哈哈！【河內蔥油三味配黃薑飯 】豬扒醃得入味、唔韌、煎得香口，扎肉就冇乜特別，豬頸肉好肥美，多脆內軟，有成三大舊，食到第三舊有啲漏，要配埋飯先搞得掂。黃薑飲薑黃粉味重，飯比較乾食，食到一半有啲難入口（其實係太飽，哈）【椒鹽脆蛋魚柳】炸魚柳配大量炸蒜粒同辣椒，似避風塘風味，都幾辣吓。記住要趁熱食，凍咗會顯得好油膩。【牙車快沙律】雞絲比較乾身係敗筆，又係有炸蒜，而碌柚肉配青瓜同生菜絲，加埋個汁酸酸哋幾Fresh！【牛骨湯】原本以為似係越式牛河個湯底，不過覺得幾味精吓，好咸。（之後見隔離枱食牛河個湯係唔同色嘅，哈）今餐炸蒜、全部都係炸蒜，由個飯到魚柳同沙律都係炸蒜，唔係唔鍾意但多咗，可能係我選擇菜式嘅問題。分量係好足食到好飽，但又好膩。最後要讚讚店員姐姐好好禮貌又好勤力！
見佢午市餐都好豐富吓，有2小食+1主食+1湯+1飲品，雖然覺得少貴，但都試吓啦，轉青檸梳打要加HKD12，但又轉吓啦，哈哈！
【河內蔥油三味配黃薑飯 】
豬扒醃得入味、唔韌、煎得香口，扎肉就冇乜特別，豬頸肉好肥美，多脆內軟，有成三大舊，食到第三舊有啲漏，要配埋飯先搞得掂。黃薑飲薑黃粉味重，飯比較乾食，食到一半有啲難入口（其實係太飽，哈）
【椒鹽脆蛋魚柳】
炸魚柳配大量炸蒜粒同辣椒，似避風塘風味，都幾辣吓。記住要趁熱食，凍咗會顯得好油膩。
【牙車快沙律】
雞絲比較乾身係敗筆，又係有炸蒜，而碌柚肉配青瓜同生菜絲，加埋個汁酸酸哋幾Fresh！
【牛骨湯】
原本以為似係越式牛河個湯底，不過覺得幾味精吓，好咸。（之後見隔離枱食牛河個湯係唔同色嘅，哈）
今餐炸蒜、全部都係炸蒜，由個飯到魚柳同沙律都係炸蒜，唔係唔鍾意但多咗，可能係我選擇菜式嘅問題。分量係好足食到好飽，但又好膩。最後要讚讚店員姐姐好好禮貌又好勤力！
河內蔥油三味配黃薑飯
7 瀏覽
0 讚好
0 留言
河內蔥油三味配黃薑飯
1 瀏覽
0 讚好
0 留言
椒鹽脆蛋魚柳 拼 牙車快沙律
5 瀏覽
0 讚好
0 留言
牛骨湯
1 瀏覽
0 讚好
0 留言
青檸梳打
2 瀏覽
0 讚好
0 留言
張貼
