影片
更多
2021-11-20
48 瀏覽
好耐無入淺水灣chill下，今日收工後入一入黎食飯睇海😬經過見到間日本炭燒居酒屋既餐廳，吸引左我地入去。 第一樣嗌既係甲羅燒，最鐘意蟹膏蟹肉既我一定要食，雖然唔係味增蟹蓋，但蟹肉勝在多料，應該係拆左成隻蟹再加膏落去燒，幾香口，盛惠$168，都尚算滿意既！第二樣叫左佢地既signature 軟殼蟹天婦羅蝦卷壽司，價錢都係$168左右，但份量算多過其他單點壽司🍣 食落都有驚喜，卜卜脆幾好味的😛 之後叫多左個芝士鰻魚玉子燒，所有配搭都係我喜歡的，但有小小出水，如果無咁水會更好，不過師傅係即叫即整所以食落熱辣辣超好食！最後係重頭戲炭燒和牛，嫩，切成一條條容易食，汁偏咸但都好味，不過菠菜仔涷左，熱上會更好！呢道菜$680🇯🇵 但食物水準係有既，如果價錢更靚一定會瘋狂叫，只好草多點錢再黎食過啦🤣
第一樣嗌既係甲羅燒，最鐘意蟹膏蟹肉既我一定要食，雖然唔係味增蟹蓋，但蟹肉勝在多料，應該係拆左成隻蟹再加膏落去燒，幾香口，盛惠$168，都尚算滿意既！
第二樣叫左佢地既signature 軟殼蟹天婦羅蝦卷壽司，價錢都係$168左右，但份量算多過其他單點壽司🍣 食落都有驚喜，卜卜脆幾好味的😛
之後叫多左個芝士鰻魚玉子燒，所有配搭都係我喜歡的，但有小小出水，如果無咁水會更好，不過師傅係即叫即整所以食落熱辣辣超好食！
最後係重頭戲炭燒和牛，嫩，切成一條條容易食，汁偏咸但都好味，不過菠菜仔涷左，熱上會更好！呢道菜$680🇯🇵 但食物水準係有既，如果價錢更靚一定會瘋狂叫，只好草多點錢再黎食過啦🤣
張貼
