炑八韓烤 (黃金廣場) (已結業)

- 好耐無食韓燒啦，聽講炑八出左新搞作，一於試一試佢！- 今次我地食左炑八新推出既月炙月見和牛套餐，餐廳仲送左芝士熔岩泡菜紫菜包飯俾我地添！- 餐廳一向主打食韓燒，所以抽風系統都做得好好。而且一入店鋪就好似去左韓國🇰🇷咁，一解無得去旅行既憂愁。- 今次我地叫左月炙月見和牛套餐，套餐包左五花腩、魷魚🦑、雞翼、和牛、大蝦同蔬菜，仲有一大塊有證書既澳洲和牛添！- 套餐主打係和牛，緊係要同大家分享下啦！呢個套餐既澳洲和牛真係好大塊，燒起上黎好有牛味，但一啲都唔柴。食靚牛既時候，我覺得沾鹽就最夾啦！- 至於個拼盤，我覺得魷魚🦑就最好味。因為佢比較厚身，食落啖啖肉，勁正！同埋餐廳既配菜都可以Refill，夾埋泡菜食就已經係最好既調味。- 另外，芝士熔岩泡菜紫菜包飯真係超好味😋。一黎佢大大舊，二黎啲芝士勁多，又拉哂絲咁。內裏既泡菜飯唔會辣，而且味道岩岩好。- 飲品方面，我地叫左菠蘿梳打🍍同完熟白桃沙冰🍑。菠蘿梳打好清爽，食完燒烤仲可以解油膩，仲唔會過甜，味道都唔會假。而白桃沙冰就好適合打卡，因為佢有足足半個大蜜桃，加埋沙冰夠哂凍。