炑八韓烤 (已結業)

$48包主菜A+小食B各選一款，無限任添韓國前菜，韓式清湯，飲品一杯，性價比高。主菜A揀左紫菜包飯，而小食B安東雞脾。先黎湯同前菜，雖然我地只係叫左一個set，但都俾左兩碗海帶湯俾我地，值得一讚。男朋友好鐘意食呢度泡菜，話係香港食過數一數二，所以都忍唔住添了一次，好彩侍應都冇黑到臉，好快送上﹗紫菜包飯有五件，紫菜當然唔係脆架啦，餡料都唔差，自己之前係韓國食過加埋沙律醬係入面仲正。安東雞脾有沙律菜伴碟，可以令到自己更開胃，但係雞脾略為有少少韌，唔夠嫰滑﹗總括而言，呢餐下午茶食得好飽，性價比高，坐得幾舒服，同朋友黎吹水打磨時間一流﹗