新金花餐廳

營業中

休息中

入長洲搵食，長洲原居民推介咗我好幾間，不過一講到要有冷氣，佢就叫我食呢一間，地頭蟲推介實無死啦，於是就試一試。Lunch Time間野都幾Full，不過目測好似得我地一枱唔係島上區民，我老友話一定要食佢嘅魚，炆魚同椒鹽魚都好食，所以就叫咗一碟炆魚炒米，另一碟就叫咗椒鹽魚炒飯(其實係老闆娘介紹我地食)。炆魚炒米同椒鹽魚炒飯兩款都真係唔錯，最主要係D魚應該係新鮮魚而唔係雪藏貨，味道真係呃唔到人嘅，所以用料靚味道亦會好D，除非個廚本身唔識煮野食啦。食完之後坐隔離枱嘅阿姐話呢間D炸雞翼都好食，山長水遠黎到就梗係要試埋啦，個炸雞翼味道又真係幾好woo，即叫即炸之餘又唔係好油，好食，唔怪得咁多街坊幫襯啦。