新金花餐廳

營業中

休息中

新金花餐廳雖然低調，卻是長洲街坊的口袋名單。這間老字號承載著濃厚的懷舊風情，以實而不華的各式魚類料理俘獲人心，吸引居民一再光顧。其中 咖喱魚飯 選用當日鮮魚，肉質細嫩鮮甜，搭配特製香濃咖喱汁，微辣中帶點甘香，充分展現經典港式風味。Want an authentic taste of Cheung Chau? This nostalgic, no-frills eatery is all about fresh fish, and their Curry Fish Rice is a must-try. Served with the day’s freshest catch, the fish is tender and flavorful, soaking up the rich and slightly spicy curry sauce. Every bite is a perfect mix of heat, sweetness, and comfort — pure Hong Kong-style goodness!

為了食好味魚，今天趁早就嚟咗新金花。這裡出名食魚，尤其是椒鹽魚。坐下來一落單，連姐姐就給你一隻細碟，準備吃魚，還望四周，很多老街坊都是來吃魚。旁邊伯伯話來這裡食魚，值嘅。我就拭目以待。食魚可以有好多選擇，如果就咁炆魚加湯粉麵，只是$50 ，可是炆煮飯就$63，炒飯就73，炒粉麵同價。價錢貴，魚新鮮，飯底份量多。這裡座位簡陋，但檯面乾淨，沒有油琳琳咁，牆壁裝修也舊但係也乾淨。其實一個人要完成一份魚飯有點難度。最好三人分兩份。椒鹽魚炒麵，炒麵底有點失望，不是煎生麵，只是豉油王炒麵，不過有好多芽菜青紅椒黃指天椒。魚塊肉厚，椒鹽香脆，脆面皮薄，椒鹽味道濃郁。夾住洋蔥蔥青蔥辣椒豆味都非常可口惹味。這裏的魚全是敏魚，不論炆、涼瓜煮或是椒鹽都很好味。

朋友介紹話呢度啲嘢幾好食去到話要等位我同行六個人， 等到有張四人枱個女人侍應話冇辦法冇位唔俾你入同佢講話四個人食住先另外兩個人遲啲有位先入嚟佢死都唔肯話安排唔到其實根本就唔想做你生意指住張枱話我哋坐呢度先佢都唔俾你坐好鬼奇怪

入長洲搵食，長洲原居民推介咗我好幾間，不過一講到要有冷氣，佢就叫我食呢一間，地頭蟲推介實無死啦，於是就試一試。Lunch Time間野都幾Full，不過目測好似得我地一枱唔係島上區民，我老友話一定要食佢嘅魚，炆魚同椒鹽魚都好食，所以就叫咗一碟炆魚炒米，另一碟就叫咗椒鹽魚炒飯(其實係老闆娘介紹我地食)。炆魚炒米同椒鹽魚炒飯兩款都真係唔錯，最主要係D魚應該係新鮮魚而唔係雪藏貨，味道真係呃唔到人嘅，所以用料靚味道亦會好D，除非個廚本身唔識煮野食啦。食完之後坐隔離枱嘅阿姐話呢間D炸雞翼都好食，山長水遠黎到就梗係要試埋啦，個炸雞翼味道又真係幾好woo，即叫即炸之餘又唔係好油，好食，唔怪得咁多街坊幫襯啦。

煎蛋煎到成個蛋都系油， 啲野又耐。 態度不太好。 然後一停手食野，佢就會趕唔切甘想收你碗野。 啲野食不是一般難受。 一碗腸仔蛋面， 只有生面底，如改公仔面就要加$5。 系市區都無甘既事。

疫情下出走長州，由長州朋友介紹，來到新金花茶餐廳。聽朋友講，呢到所有野都好有歷史。朋友強烈推介豬扒，炆魚同雞翼。我地就叫左個是日中午餐「蕃茄豬扒飯」、另叫「豬扒炒米粉」、「椒鹽魚炒米粉」、「生炸雞翼」。果然係無推介錯一來就上了「生炸雞翼」，OMG,點解可以炸到咁juicy. 完全超離地好好食。小朋友食完仲想encore. 午餐豬扒飯豬扒完全唔Hea, 有肉地，唔係好薄，好有口感。另叫的「豬扒炒米粉」，豬扒多都似一座山，3個share 絕對無問題。「炆魚炒米粉」如果唔係之前食左啲豬扒飯同雞翼，加上我地趕時間，我一定會Ko哂佢。點解鋪仔細細，咁有鑊氣。炒鑊紅蔥青椒芽菜配料多到呢。重點個炆魚，外脆內軟，完全唔腥。好彩我地一行8人早到，唔係要排隊了。好食，一定會再去食。很用心，用料好既本地長州原居民茶餐廳！

今日（15/5/2020）到長洲旅行，路過此餐廳，肚餓，便入去坐下。點了一個午餐，餐肉蛋飯，豉油好香，炆魚飯，有八大塊魚，魚煮得剛好，好滑，五十五元，真係好抵食。

不知所謂。炒一個豬扒燴意炒45分鐘。侍應態度差。老闆娘串。因製作需時要耐心等候。等到我小朋友都訓著。 我唔明你煮乜。45分鐘什麼都煮到啦 以後都唔黎食。遲過我都食完走

「金花」一直在我心目中有至高無上的地位，有別於一般茶餐廳，金花一直散發著清冷脫俗，不與百花爭艷的氣質。只因金花一直專注做好食物，沒有刻意的宣傳，仍能吸引一眾長洲居民作忠實食客。餐廳門面極具懷舊感，但內部光潔明亮，左邊一列卡位，每次午飯時段都座無虛席。豉椒牛河是我目前為止品嚐過最美味的，除了夠鑊氣外，在其他餐廳吃豉椒牛河時，我總是要小心翼翼避開烏黑的麵豉，但這裡的豉椒牛河令我可以大口大口的吃，豉椒味濃郁之餘，不怕咬到整夥麵豉的噁心感。如圖所見牛肉份量足且滑嫩，而且河粉條條清晰，不會糊成一團。汁多味甜，又有淡淡的辣椒香，惹味可口。