麻神麻辣火鍋 (已結業)

港式打邊爐就食得多，台式既就少之又少，不過既然紅到由台灣開到香港，呢間台式火鍋一定有過人之處，一於走去試試佢先！叫左個鴛鴦湯底，個湯睇落好清，點知飲落去勁有味，仲標榜係無味精，打完邊爐可以直接飲埋個湯。麻辣果面都幾好，唔似出面既麻辣湯咁得個嗆字，呢個麻得來唔會嗆鼻，不過本身唔好辣，所以都係清湯岩我多D!我估好少香港人打邊爐時會食鴨血，起馬我同朋友都未試過，估唔到食落比想像中好，有少少似食緊啫哩咁，都幾過癮下。除左牛肉外，其他配料唔記得影相，整係掛住食，食物質素唔錯，埋單又唔算太貴，應該會再幫襯！