火鍋隨意門

營業中

休息中

一年四季都咁鍾意打邊爐嘅我，約左朋友去銅鑼灣嘅火鍋隨意門晚飯。地鐵站A出口行4分鐘就到非常方便。叫咗個花膠雞湯底雞湯本來已十分之濃郁，加埋花膠煮埋，口感有所提升。另外包埋半隻新鮮雞左右另上，份量同質素真係誠意滿滿，又可以慢慢食，唔怕會煮得過老。同埋新鮮雞真係特別好食。可愛餃子拼盤造型賣相超級有儀式感嘅餃子拼盤，每款味道各有不同，全部都皮薄但煮落唔易散，餡料味道口感食落都好新鮮。特盛蔬菜拼盤應有盡有嘅蔬菜籃，造型刻意營造似花籃咁，好靚。蘿蔔類仲用竹籤預早插定方便進食夠細心。本地牛頸脊首先牛肉嘅肉身紋路色澤都好靚好新鮮，絕對靚貨，口感軟淋同埋油脂感適中，味道重牛味同埋無雪味。蟹籽鮮蝦丸加多個手打蟹籽鮮蝦丸，爽口彈牙，仍然食到一粒粒嘅蟹籽，蝦肉調味好好，可以帶出鮮味。蜂蜜菊花烏龍茶蜂蜜菊花飲落清新怡人又清爽，鳥龍茶又夠消滯解膩。