稻八日式火鍋炸物放題 (已結業)

今日同朋友去荃灣行街，行到肚餓就去open rice睇下附近有咩好食啦，見呢間放題唔錯就去試下啦。一上到去見到好多牌掛左係度好特別。入去個時已經覺得啲座位既設計好特別，唔似得平時咁一行行。坐底之後我地揀左要海鮮餐同昆布湯底。基本有雞羊豬係任食既，羊豬都比較薄身好快就食得，最好食係雞，非常鮮嫩。海鮮方面，全部都新鮮，啲象拔蚌同帶子都好大舊，象拔蚌、螺同八爪魚都比較爽口彈牙。其他都係比較軟身易入口。作為前菜既螺肉同埋中華沙律係絕對不能忽視，好食過好多放題，令你食慾都大啲。有其他自助食物例如菜、丸類、午餐肉等等。最特別係有得自己炸天婦羅，有哂指示比你睇點整，真係又好玩又好食。炸出黎最新鮮熱辣，外脆內軟。隔離放左唔同既食物都可以攞去整，仲有唔同既調味粉，實有一款岩你口味。最後仲有雪糕食，嗌左朱古力同開心果味，好似仲有綠茶、芒果、曲奇等既味比你揀。飲品任飲，種類都算多，大眾化。