牛牛日式火鍋放題 (海之戀商場) (已結業)

作為火鍋控既我，每日都睇下全港九新界有咩好味既火鍋🍲，上網見到荃灣超多人推介既日式火鍋【牛牛殿堂】🐄，即刻約埋朋友們一行8人一齊去。好彩有book定位，行到附近已經見到一堆人排緊隊😳！火鍋控們揀左極豐富既Lv3 丹麥王樣，有多達85樣食物任君選擇🤩！《極上牛舌👅》果然名不虛傳，極上等級，肉質柔軟可口，咬口軟淋，超好味呀。《澳洲綠草原羊肩肉🐑》羊肉肉質柔軟，口感幼滑，羊肉味濃郁，愛羊之人必食！《膠原豬骨鍋🐖》豬骨味道好濃郁，真材實料，食完無口乾，加上餐廳係少鹽少糖餐廳，健康養生之選。《關東壽喜燒鍋🇯🇵》超級喜歡花花形紅蘿蔔，好有心思，而且薄切易食，牛肉擺落鍋後，更滑更好味！總結，職員好友善介紹不同湯底以及配菜，食材高質美味，湯底都超足料😙！