為食火鍋公司

營業中

休息中

最鍾意食任食打邊爐，因為一個價錢可以食到飽！觀塘呢間火鍋真係會回頭！因為300幾蚊一個人，有燉湯、任食小食、刺身、雞煲或酸菜魚。雞煲仲可以任食！仲有海鮮拼盤、牛拼盤、火鍋配料任點任食！當然飲品亦都係任飲，超級抵！坐低即刻有熱辣辣燉湯！燉湯係蟲草花瘦肉湯，滋補好飲！飲完個湯，暖下胃就可以任點小食。小食有炸薯條、炸甜薯、大腸、雞腳、炸雞、蟹籽沙律。炸大腸好夠脆，整得好食！當然薯條都新鮮炸起，炸雞夠滑。蟹籽沙律，青瓜絲爽口。食餐前小食都已經好滿足。當然食得多嘅你仲可以任食！跟住就到刺身拼盤。呢個睇拼盤擺盤非常靚，刺身款款新鮮！有三文魚、牡丹蝦、北寄貝、帆立貝、油甘魚。食完就到雞煲酸菜魚嘅環節，揀咗酸菜魚。酸菜魚酸味味，酸菜夠多魚又夠多。食完唞一唞就到打邊爐！牛肉拼盤擺得靚靚，有吊龍、五花趾、封門柳、和牛三角肉、牛肩肉眼、一口牛、黃喉。款款肉都好食。和牛香！黃喉非常爽口！其他配料我哋叫咗濃汁牛肉丸、牛骨髓、炸魚皮、鵝腸、韭菜餃等。韭菜餃好味😋牛丸常之香又多汁、炸魚皮香脆！如果食得到，可以不斷追加任食超抵食！