影片
更多
2015-12-06
6322 瀏覽
為食精1號又出動。。。打邊爐大發現！！！又㢌又嘔咗咁Q耐，雖然未好過，但亦都冇減退我為食嘅程度！😁😁尋晚去試左一間新嘅火鍋店，出乎意料嘅好味！其實我覺得佢好過「不倒翁」好多，而價錢就差唔多啦！（其實仲有其他特點，遲啲再介紹）先講個鍋底。。。一樣啦，會叫個雙拼鍋底，因為可以試多幾個味道：「日式昆布銀魚+沙嗲」！日式昆布銀魚：- 比起平時叫嘅清湯好一啲，因為起碼淸得嚟有味道！好重銀魚味，但係又唔fishy! 裏面都有草菇，但要煮好耐，到尾升先至食得到！啲菇都好有菇香！沙嗲：- 同平時食嗰啲沙嗲鍋好唔同，帶甜。但係甜嘅程度亦都可以接受，好香沙嗲味！因為我地得三個人所以唔係叫咗好多嘢食。1）山東黃牛頸脊：- 唔肥！啱晒我！但係好亂口，好有牛肉味！2）本地手切肥牛：- 如果你真係想要肥牛的話，我講緊係好肥嗰隻，咁我諗你就會覺得呢啲太瘦啦！但係對我來講就啱啱好，唔食得太肥費事爆血管！😂😂肉嘅質地好嫩口，又滑，都好有牛肉味！3）厚切牛利粒：- 爽口！4）鮮鵝腸：- 超肥！5）川式辣牛肉餃、鮮蘆筍鵝肝餃、味增大根黑豚餃：- 「味增大根黑豚餃」唔錯！但「川式辣牛肉餃」簡直係 unbeatable!!!
為食精1號又出動。。。打邊爐大發現！！！
又㢌又嘔咗咁Q耐，雖然未好過，但亦都冇減退我為食嘅程度！😁😁
尋晚去試左一間新嘅火鍋店，出乎意料嘅好味！其實我覺得佢好過「不倒翁」好多，而價錢就差唔多啦！（其實仲有其他特點，遲啲再介紹）
先講個鍋底。。。
一樣啦，會叫個雙拼鍋底，因為可以試多幾個味道：「日式昆布銀魚+沙嗲」！
日式昆布銀魚：- 比起平時叫嘅清湯好一啲，因為起碼淸得嚟有味道！好重銀魚味，但係又唔fishy! 裏面都有草菇，但要煮好耐，到尾升先至食得到！啲菇都好有菇香！
沙嗲：- 同平時食嗰啲沙嗲鍋好唔同，帶甜。但係甜嘅程度亦都可以接受，好香沙嗲味！
因為我地得三個人所以唔係叫咗好多嘢食。
1）山東黃牛頸脊：- 唔肥！啱晒我！但係好亂口，好有牛肉味！
2）本地手切肥牛：- 如果你真係想要肥牛的話，我講緊係好肥嗰隻，咁我諗你就會覺得呢啲太瘦啦！但係對我來講就啱啱好，唔食得太肥費事爆血管！😂😂肉嘅質地好嫩口，又滑，都好有牛肉味！
3）厚切牛利粒：- 爽口！
4）鮮鵝腸：- 超肥！
5）川式辣牛肉餃、鮮蘆筍鵝肝餃、味增大根黑豚餃：- 「味增大根黑豚餃」唔錯！但「川式辣牛肉餃」簡直係 unbeatable!!! 👍🏼👍🏼
6）"Sin"片：- 因為係厚切，所以好爽口！
7）水晶叉燒包、水晶奶黃包：- 雖然啲水晶皮唔算薄，但係可以接受，因為如果太薄又驚佢穿！「叉燒包」味道超好！但如果你鍾意食葡撻嘅話，你可以試「奶皇包」，因為同葡撻一樣味道，質地都一樣！😅😅
個經理介紹左支「男山」俾我地！好易入口！😋😋可惜我只係可以飲少少，未好返唔敢太過分！😩😩
講完食嘢，講下其他特點。。。
- 首先要泊車方便！周街都可以泊得！隔離又有停車場！
- 食煙人士重方便！起碼唔使落樓就可以食煙！
- 啲枱又唔迫！地方乾淨！尤其是廁所！😅😅
如果你要六星級服務，你就唔可以太大期望了！我覺得好似去咗酒樓嗰啲服務 standard 啦，都唔算差，可以接受！
如果睇性價比嘅話，我會俾80/100。起碼food quality 都算幾好！
大家不妨試試！
張貼
