二鍋頭 (福苑)

營業中

休息中

朋友聚會，打邊爐絕對係一個好好既選擇～大家都岩食之餘，又可以坐得耐啲，一路食一路傾計今晚我地大伙兒就去左旺角打邊爐，質素都唔錯！我地book左枱食6點半，時間尚早，入場時冇乜人，但夜啲就全場爆滿了。佢嘅座位都幾寬敞，坐得舒服。呢間火鍋店都幾特別，因為一開始係可以先任食雞煲、鴨煲和豬手煲。我哋先食咗個小辣嘅麻辣雞煲，味道好惹味，雞肉嫩滑多汁，味道不錯～打邊爐都係大眾嘅食材，印象比較深刻嘅係佢有新鮮滑牛肉片，食落口較有牛味，唔同平時食到嘅美國肥牛另外佢竟然有得食鱔片～平時喺街市買都好貴，呢度有得任食，我梗係叫多幾轉食返夠本飲品選擇好多，不過養生嘅我就飲返幾支雪梨海底椰潤潤佢。