新斗記 (已結業)

  以「火山石燒乳豬」 聞名的新斗記，終於有機會一試啦！傳聞用300度高溫燒乳豬，唔知乳豬會有咩特別架呢？是晚生日飯，特別揀左去新斗記試下，當然要先試下火山石燒乳豬啦！我地叫左一個例牌，大約等左10分鐘就有喇，一塊外皮下面就係乳豬肉，細心睇一d肥膏都無，皮很脆亦很薄，咁薄既乳豬皮唔爛唔斷真係好考功課，薄得似宜家市面既豬肉紙，乳豬肉又香又脆，用火山石燒真係不同凡響。主菜叫左伊麵，芝士龍蝦伊麵，呢個成日酒樓都有得食，有咩叫特別？一黎到都嚇一跳，因為好大碟，伊都雖然只係襯底，但係份量都幾多，伊麵林身，吸收晒芝士白汁既味道。龍蝦肉很多，隻隻都好肥美，可能煮得好林，d殻輕輕一咬就可以咬開，殻內仲有好多綠色的龍蝦膏，細味之下，龍蝦肉鮮甜，絕對不是霉肉，我地3個人食每人都可以分到幾碗，$300好抵食！已經兩個主菜都是肉，菜都要叫吧，叫了較少食到既蟹肉扒豆苗，白白的蟹肉既賣相有d似賽螃蟹，味道一流，除了粒粒蟹肉外，仲有d「獻」，可以加埋豆苗一齊食，味道更上一層樓，事關豆苗有時刻會有d苦澀味，但呢度豆苗相當爽口，加埋蟹肉仲增添左少少咸味！三個人食真的很飽，米之蓮的推介真的不錯！