Boy n Burger (已結業)

平時間唔中都會食burger，今日又突然想食，就叫埋男朋友收工後一齊去試呢間灣仔既boy n burger。餐廳既裝修比我感覺就真係好似去左美國既漢堡店咁，完全係美式風格。所有員工都係用英文溝通，好有去左美國既feel。牆上仲有餐廳既吉祥物—Bobby！同佢打卡一流！餐廳既食物都經過嚴格管制，而且係即叫即整，Order完野食之後，仲可以睇到員工點樣製作你既餐，簡直安全又放心！Chicken Signature，外層麵包香甜，裏面有炸雞，生菜絲，酸瓜同蕃茄，再配搭埋boy n burger獨特嘅醬汁，十分惹味。Bobby burger，除左外層麵包香甜，牛肉食落啖啖肉，入面一樣有生菜絲，酸瓜同蕃茄，非常之健康。另外叫左2個小食，分別係popcorn chicken同skinny fries。popcorn chicken十分香脆，個人認為配芥末醬最好食。Skinny fries新鮮即炸，熱辣辣，薯仔味十分香。係灣仔好少食到咁平價而且味道又好既漢堡店，仲岩晒打卡，簡直cp值超高，平靚正！