影片
更多
2024-04-08
1036 瀏覽
今日去咗呢間喺灣仔軒尼詩道新開嘅韓國餐廳呢間地舖喺修頓行過嚟兩分鐘就會見到，我哋到嗰陣時大概七點鬆啲，出面已經排曬隊 我哋前面有大概十幾個人，但係好彩都唔使等好耐，大概20分鐘左右入到席首先講下個環境，入面有大概三至四十個位，左右兩邊，中間一張大枱再加一張對住廚房嘅長枱可以望住入面啲師傅搓麵條同包水餃 可能係人多嘅關係，啲座位比較迫少少，每個人大概一個餐盤嘅闊度，但係好彩我哋同行兩個人都比較瘦啲，除咗上枱嘅時候要讓一讓，用餐嘅時候都冇乜話要攝手攝腳 佢哋點餐係用QR code嘅，app嘅介面都清楚易明，冇乜bug呢間餐廳主打性價比高嘅面同埋飯，款式唔算多，但係都應該會揀到鍾意食嘅 有得揀set同埋唔揀set就咁一個麵 個分別就係多20蚊可以另外多揀一款小菜但係個set 唔包嘢飲嘅，需要另外嗌 我哋兩個人一個嗌咗湯麵 set另一個嗌咗 齋湯麵驚喜嘅係唔嗌set佢都會跟埋啲配菜，分別有一細碟泡菜，一碗仔嘅雜糧飯，同埋幾舊醃蘿蔔 呢個價錢嚟講，幾抵食 set嘅話有得揀兩隻餃子或者紫菜包飯 但係我哋嗰日去到 已經冇曬紫菜包飯揀，希望下次有得試🍜 蜆湯麵 $68呢個湯麵蜆嘅份量好多，但係比較細
呢間地舖喺修頓行過嚟兩分鐘就會見到，我哋到嗰陣時大概七點鬆啲，出面已經排曬隊
我哋前面有大概十幾個人，但係好彩都唔使等好耐，大概20分鐘左右入到席
首先講下個環境，入面有大概三至四十個位，左右兩邊，中間一張大枱再加一張對住廚房嘅長枱可以望住入面啲師傅搓麵條同包水餃
可能係人多嘅關係，啲座位比較迫少少，每個人大概一個餐盤嘅闊度，但係好彩我哋同行兩個人都比較瘦啲，除咗上枱嘅時候要讓一讓，用餐嘅時候都冇乜話要攝手攝腳
佢哋點餐係用QR code嘅，app嘅介面都清楚易明，冇乜bug
呢間餐廳主打性價比高嘅面同埋飯，款式唔算多，但係都應該會揀到鍾意食嘅
有得揀set同埋唔揀set就咁一個麵
個分別就係多20蚊可以另外多揀一款小菜
但係個set 唔包嘢飲嘅，需要另外嗌
我哋兩個人一個嗌咗湯麵 set
另一個嗌咗 齋湯麵
驚喜嘅係唔嗌set佢都會跟埋啲配菜，分別有一細碟泡菜，一碗仔嘅雜糧飯，同埋幾舊醃蘿蔔
呢個價錢嚟講，幾抵食
set嘅話有得揀兩隻餃子或者紫菜包飯
但係我哋嗰日去到 已經冇曬紫菜包飯揀，希望下次有得試
🍜 蜆湯麵 $68
呢個湯麵蜆嘅份量好多，但係比較細隻，食落正常冇沙，湯底清甜，麵應該係入面啲師傅自己搓嘅，食落幾煙韌，似幼身少少嘅烏冬，個面入面仲有好多蘿蔔絲翠玉瓜絲，令到個面冇咁單調係唔錯，鍾意食海鮮嘅推薦可以試下
🍜 牛骨湯麵set $88
呢個面嘅湯底幾正，同喺韓國食嘅牛骨湯麵個味幾乎一模一樣，而佢啲配菜就係啲切片嘅牛展，炆得幾林身，調味口感都唔錯，呢個價錢呢個質數係值得一試
🥟豬肉餃子 (set +$20)
跟set兩隻豬肉餃，啲餃都見到係廚房入面啲師傅即場包嘅，食落都似韓國食到嘅味
餃子本身偏大隻，皮都厚少少，豬肉份量ok ，調味啱啱好，配咗個辣椒豉油，不妨可以 試下
餐廳服務嚟講都幾好，服務員都好有禮貌，但係應該係太忙嘅關係，我見到隔離枱好似有漏單嘅情況，同埋啲枱號編排有少少問題，成日好容易睇錯枱號，建議可以喺顯眼小小嘅地方整個標籤
衛生嚟講，檯面地下都算乾淨，但係餐盤角落頭會睇到有湯同油漬，可以稍微注意
餐廳整體嚟講幾抵食，味道同服務嚟講都唔錯
畀得呢個價錢就當簡簡單單坐低食完就走，應該會再幫襯
張貼
