Our Healthy Mission (已結業)

作為漢堡包控，見到屋企附近有新出漢堡包店通常都會去試吓，呢間our healthy mission 以健康無激素雞胸作招徠，令到我更加心動。而家成日都食外賣，成日覺得出面嘅扒肉好多激素又炸又盛，每次食都有少少擔心，但又唔想三餐都自己煮😭😭 所以有無激素雞胸嘅外賣都吸引 今次呢間都令我幾滿意，首先講外表先，個盒係紙盒，幾環保咁先加分⭐ 打開個包真係有跟我remarks 要少汁⭐ 我最驚就係好多汁，遮哂食材嘅味道，用料係咪新鮮完全食唔到，呢個真係少汁；無激素雞胸佢寫住慢煮，我食都似真係慢煮，因為幾嫩口，同平時自己焗或者烚嘅口感完全唔同，食到有肉面有香草味😍；洋蔥微辣，生菜脆口嘅， 蕃茄正常🤣整體黎講係好食，同埋感覺食完好健康，尤其終於都有「無激素」肉整嘅漢堡，下次會試埋佢個草飼牛同無激素豬肉漢堡🤤