影片
更多
2023-02-23
685 瀏覽
我哋慶祝週年紀念，想試吓新嘢！原來喺灣仔有一間咁高質素嘅餐廳，新開嘅，大家可以試試，我哋就一試難忘！AERA用嘅食材質素好好，唔同季節會有唔同tasting menu! 今次材料主要係來自日本同埋本地嘅高級食材！原來廚師團隊係十分之用心，每一道菜你會感受到，都係用足心機嘅手工製作💗！非常之獨特，同埋喺其他餐廳食唔到㗎！服務嘅團隊亦都非常之貼心，細心！每一道菜都會換餐具不在話下，細緻到每一道菜都會預備抹手嘅濕紙巾！而且仲會關心我哋食得開唔開心，舒唔舒服！超六星級嘅服務！讚！🌟昨晚嘅Testing Menu有差唔多10道菜！1. Amuse Bouche一共有三款，首先試咗春卷！裏邊有好清新嘅味道幾特別！最欣賞係紅蘿蔔撻，皮脆餡靚！入面嘅餡係混合左紅蘿蔔醬汁同埋有少少辣嘅感覺，層次口感非常多！另外一個係好似甜麵包嘅感覺，有少少麵豉味，同埋蜜糖味配上椰絲，都係食得出廚師利用唔同色材嘅味道同埋口感，一開始就已經好有驚喜！2. Starter:呢道前菜見到都唔捨得食，最喜愛之一！試咗佢個Panna係非常之滑，混合左喺個底下面嘅青口，加埋魚子係鮮味無窮！3. 2nd Starter 呢道望落去好似
AERA用嘅食材質素好好，唔同季節會有唔同tasting menu! 今次材料主要係來自日本同埋本地嘅高級食材！
原來廚師團隊係十分之用心，每一道菜你會感受到，都係用足心機嘅手工製作💗！非常之獨特，同埋喺其他餐廳食唔到㗎！
服務嘅團隊亦都非常之貼心，細心！每一道菜都會換餐具不在話下，細緻到每一道菜都會預備抹手嘅濕紙巾！而且仲會關心我哋食得開唔開心，舒唔舒服！超六星級嘅服務！讚！🌟
昨晚嘅Testing Menu有差唔多10道菜！
1. Amuse Bouche
一共有三款，
首先試咗春卷！裏邊有好清新嘅味道幾特別！
最欣賞係紅蘿蔔撻，皮脆餡靚！入面嘅餡係混合左紅蘿蔔醬汁同埋有少少辣嘅感覺，層次口感非常多！
另外一個係好似甜麵包嘅感覺，有少少麵豉味，同埋蜜糖味配上椰絲，都係食得出廚師利用唔同色材嘅味道同埋口感，一開始就已經好有驚喜！
Amuse Bouche
15 瀏覽
0 讚好
0 留言
2. Starter:
呢道前菜見到都唔捨得食，最喜愛之一！試咗佢個Panna係非常之滑，混合左喺個底下面嘅青口，加埋魚子係鮮味無窮！
Starter: Mussel Panna Caviar
23 瀏覽
0 讚好
0 留言
3. 2nd Starter
呢道望落去好似冇乜特別，但唔係一般嘅小雲吞。小雲吞裏便有好香口嘅腸同埋菌類，加上面頭嘅farm to table 芫荽BB，混合上嚟係成口都係濃香，你會想再食多啲！連個湯底都飲清晒！
2nd Starter: Paracress dumpling
16 瀏覽
0 讚好
0 留言
4. Bread
麵包就真係只此一家，因為佢哋係自己特製嘅麵包！麵包本身已經有浸清淡嘅豉油香味！淨食已經覺得好香，配合佢哋自己調配mustard butter 令到味道再提升咗！
Homemade Bread
23 瀏覽
0 讚好
0 留言
5. 3rd Course
起初見到覺得好得意，有兩隻小雞腿，原來係用本地黃土雞，慢煮出嚟，所以非常之入味，外皮係脆到不得了，入邊啲肉係非常之滑！
少食多滋味！
3rd Course: Pattes
16 瀏覽
0 讚好
0 留言
6. 4th Course
呢道菜係其中最喜歡㗎，本身係用馬友魚做底，上面有非常之新鮮來自日本嘅北海道海膽賣相非常之好之餘，鮮味甜味充滿口腔！
4th Course: Urchin / Dill
9 瀏覽
0 讚好
0 留言
7. Main
Pigeon
佢哋用嘅Pigeon係好嫩滑，一啲都唔鞋口，煮法都係其他餐廳未食過，半生熟，咁好似食緊魚生一樣，我自己本身唔係太食生食物，所以就覺得麻麻地，但係個味道係好好！
Main: Pigeon
14 瀏覽
0 讚好
0 留言
A3 Wagyu Sirloin
呢度主菜我自己個人就好鍾意，因為最鍾意食和牛。材料靚一定就冇得輸！配合一個酸酸地嘅醬汁都幾特別！
Main: A3 Wagyu Sirloin
7 瀏覽
0 讚好
0 留言
8. Pre-Dessert
驚喜陸續來，估唔到甜品都係非常之特別創作！
呢個係用藍莓整到好滑嘅，好似雪糕咁樣！自家製嘅雲呢拿油，唔會冚左個藍莓味要你自己嚟試吓先至可以講到個感受！
Pre-Dessert: Berry Vanilla Kombucha
7 瀏覽
0 讚好
0 留言
9. Dessert
呢個原來係受一個傳統馬來西亞飲品嘅靈感，啟發轉化成一個唔同形式展現嘅甜品！淨係睇佢製作嘅手法已經好吸引，再加上裏面個普洱茶雪糕加小麥草醬汁，估唔到混合起上嚟係好特別嘅味道，兩樣非常之配合！
Dessert: Malay style Tea
9 瀏覽
0 讚好
0 留言
10. Petit Four
唔係一般嘅四件餅仔，每一件都仲係繼續去到最後用心嘅製作，同埋創意真係要比滿分！
貝殼餅皮脆內軟，熱辣辣嘅！另外有一個好似以前舊式嗰啲蜜餞油皮，當然佢呢個好食好多啦！最欣賞嗰個望落去好似好硬，其實係青檸味嘅棉花糖甜酸度非常之合適！
Petit Four
11 瀏覽
0 讚好
0 留言
由一開始食到尾真係用咗兩個半鐘，每一道菜都係廚師都會介紹！實在感受到嗰份熱誠！對食物質素要求嘅熱誠！
我哋覺得今次周年紀念嘅體驗真係非常之開心，都建議大家可以係啲慶祝日子嚟呢一度試吓！
張貼
