影片
更多
2021-03-07
2463 瀏覽
由於疫情關係，好耐好耐都冇食buffet，今次同阿媽撐枱腳揀咗灣仔會展嘅「薈景」。事緣係兩年前去薈景食annual dinner留下好印象，覺得阿媽應該會鍾意，所以今次佢哋有Sunday brunch就去試吓。通常我都好少寫有關自助餐嘅食評，因為冇咩好講就算有啲大品牌酒店食完都覺得:嗯，都係咁上下冇咩好寫。但係今次一定要寫下俾個鼓勵薈景全體工作人員，包括採購、出品、廚師、執枱人員等等。通常寫食評最後先講服務質素，今次要先講服務質素，因為實在太impressive。今日係佢哋全新週日Sunday brunch嘅第一日（7/3），訂枱嘅時候我問可唔可以俾一個比較冇乜人喺附近嘅位置我哋坐（由於疫情關係），個女仔好有禮貌同我講其實佢地每張枱會隔1.5米，如果到時有位你可以揀下其他位置~事實上今日黎食嘅人唔多，所以我哋唔係好驚坐足兩個半鐘。有人帶我哋入坐嘅時候，佢哋係會講我個姓同稱謂去帶位，講真而家好多酒店嘅staff，無論炒散或者長工都未必會咁做，佢哋極其量只會講：跟個位同事去或者小姐呢邊啦唔該。用姓同稱喟呢樣嘢其實係好基本但好多人好多年都冇咁做，講得出嘅大品牌都冇。用餐期間媽咪張餐紙跌咗落地
通常我都好少寫有關自助餐嘅食評，因為冇咩好講就算有啲大品牌酒店食完都覺得:嗯，都係咁上下冇咩好寫。但係今次一定要寫下俾個鼓勵薈景全體工作人員，包括採購、出品、廚師、執枱人員等等。
通常寫食評最後先講服務質素，今次要先講服務質素，因為實在太impressive。今日係佢哋全新週日Sunday brunch嘅第一日（7/3），訂枱嘅時候我問可唔可以俾一個比較冇乜人喺附近嘅位置我哋坐（由於疫情關係），個女仔好有禮貌同我講其實佢地每張枱會隔1.5米，如果到時有位你可以揀下其他位置~事實上今日黎食嘅人唔多，所以我哋唔係好驚坐足兩個半鐘。有人帶我哋入坐嘅時候，佢哋係會講我個姓同稱謂去帶位，講真而家好多酒店嘅staff，無論炒散或者長工都未必會咁做，佢哋極其量只會講：跟個位同事去或者小姐呢邊啦唔該。用姓同稱喟呢樣嘢其實係好基本但好多人好多年都冇咁做，講得出嘅大品牌都冇。
用餐期間媽咪張餐紙跌咗落地竟然會有staff自動行埋黎幫佢執返兼拎過張新嘅比佢，仲要唔止一次。無可否認今日個場嘅staff同經理嘅人數係非常充裕，但人多唔一定服務客人而係企埋一邊傾偈玩手機，同意？
佢哋有執枱專員同埋有專人企喺度負責俾甜品碟、大碟同湯碗匙羹客人嘅，你只要行埋去同佢講你要乜嘢餐具就可以，呢個應該係佢哋為疫情而做嘅防疫措施之一，咁就唔使驚其他客人掂過自己隻碟。同埋比碟專員好醒目，佢有一次比個湯碗我，我指一指個湯碗（冇出聲）因為有少少污糟，當然佢即刻換過一個乾淨嘅俾我，但係最緊要係之後我出去攞嘢食再問佢攞其他餐具嘅時候，都會留意到佢每一次都會檢查下個餐具先至比我，加分！💕
我拎住個湯碗行去攞中湯，個師傅見到我行埋去就幫我打開個蓋方便我裝湯，又係嗰句啦，唔係話冇嘢做就要幫你做，呢啲係well trained嘅酒店式服務！
每一次佢哋嚟我哋張枱度收碟都會先同你講：幫你收碟，我哋每一次都會話唔該晒，有一個男仔佢竟然講：唔駛唔該係應該嘅，我都唔知幾耐冇聽過呢啲回話，通常去任何餐廳酒店同staff講唔該晒，佢哋都唔會應你，好似你應該要講咁，其實呢啲互動真係好基本，不過好多時因為好多唔同嘅因素（例如學校/家庭教育、炒散冇歸屬感、酒店冇提供適切嘅訓練等）而冇左。所以今次嘅自助餐經驗係好安慰，我終於～都覺得我係一個客喇😅。
離開酒店嗰陣時，經過你身邊嘅服務人員都會「望住你」微笑同你講多謝晒byebye，唔係Hea你嗰隻。
好啦講咗咁多有關服務嘅嘢，都係要講下食物質素嘅。一般黎講食自助餐我無論去邊間，通常都係食開頭一個鐘就已經唔知再食咩好又或者要在翻兜食返之前嘅其中一兩樣嘅食物比較好嘅食物又或者已經食緊甜品，但係今日我哋係由12:00開始食到2:30冇停過，中間仲要諗緊有啲乜嘢未食過仲有咩想食。話說我阿媽今年六十有八，而我阿媽個嘴係非一般嘅叼（即係非常非常叼）佢都話呢間一定有下次。好唔好食，唔好信我，信我阿媽😆！
薈景嘅熱薫係唔錯嘅，樣樣質素平均，今日佢地主打鐵板煎龍蝦即整Baby Blue（有咖喱、泰國酸辣、白酒蒜蓉白汁三種選擇）、威靈頓牛柳同烤羊架。
龍蝦要有質素先有信心先可以整熱薫，我本人對半邊凍龍蝦（薈景今日冇供應）冇咩興趣，凍冰冰又冇味，對上果次覺得好食嘅自助餐龍蝦係好耐之前灣仔Renaissance Harbour View嘅新鮮蒸龍蝦(無限量供應），今日煎龍蝦都唔錯，我只係再食多一轉，因為實在太多其他選擇食唔切。即整白汁青口當然出色，烤羊架正常，但最開心見到烤蒜頭🧄😋。威靈頓牛柳已經冇位食。
卷物、拌沙律、烤南瓜🎃紅菜頭青瓜，中湯，冬陰功湯等無論賣相同味道都不錯。炸榴槤球要早啲拎早啲食，如果唔係之後會冧咗就冇咁脆。蟹肉餅冇揸流攤但可以擺到最後仲有位先食或skip。媽咪話芝士焗蠔唔錯但我實在冇位食佢。凍蜆、凍蝦、鮮三文魚，鮮帶子👍🏻。煙三文魚油潤唔鹹👏🏻。蒜蓉粉絲蒸扇貝後期先食可能就有啲過咗火，下次早啲拎先。佢地嘅蝦餃唔錯，希望下次見到佢，今次點心係粉果我冇拎。甜品上次係麻麻嘅，今日見到好大進步要讚！我拎左香蕉朱古力mousse cake 同焗蓮蓉西米布甸（去鳳城酒家食要叫一盤點食得晒，見到又點可以放過佢）兩樣比左淡阿媽試，佢話唔係好甜好味又滑，我有諗過佢hea 我話好食，但後尾佢自己再各攞左一份証明堅鍾意。荔枝乳酪意大利奶凍👍🏻。飲品係自助嘅，有nespresso 機可以玩，咖啡☕️唔錯。
中間餐廳有個highlight，佢地叫左個師傅推住隻燒鵝出嚟，逐枱客去介紹原來其實係蛋糕嚟，跟住仲有個檔口切一片片比食客自取，都幾驚喜幾得意嘅！不過表皮就甜左啲～
整體黎講我同媽咪都非常滿意，不論食物質素、服務態度、潔淨度、餐廳景觀，refill速度等，而食物擺放枱與枱之間都非常寬敞。
講真想食fine dining 未必會諗起薈景，但如果想食自助餐去薈景食Sunday brunch 自覺唔會失望。希望佢地服務質素可以keep到，加油！
張貼