新記芝士麵 (已搬遷) 新店位置

幾年前芝士麵未搬個陣食過一次, 搬左咁耐終於有機會試試!餐牌唔少選擇, 但第一次黎梗係食招牌芝士麵!叫左個雞扒芝士麵加凍檸茶,侍應好好人, 會同我地講下笑咁 (叫野食小心叫錯芝士麵螺絲粉kkkk)野食好快黎到, 當然係相機食先!!芝士同麵比例啱啱好, 食完啲面唔係淨番好多芝士, 芝士味亦唔會太重, 對於唔係話特別鍾意濃芝士既我食完都唔會覺得好漏!一個字: 正!!