小肥牛火鍋大排檔 (已結業)

灣仔小肥牛之前呢度都已經做咗好耐打邊爐，之後裝修完好似冇人知道開返，新裝修完好乾淨又有卡位。母親節時揀咗黎呢度食，而家先得閑寫返。原本想食九層塔，但係嗰個係四人餐，同埋個內容唔係全部自己想食嘅，所以最後都係自己選自己揀。不過呢度唔好嘅係一定要揀個湯底做底，唔可以淨係齋蒸氣，所以局住要嘥錢嗌個鷄湯底。配料好多，呢個都好重要，雖然最後啲海鮮都好鮮甜，唔使點落配料。侍應戴眼鏡短頭髮嘅好似叫Eva好好介紹就哂我媽咪個選擇，介紹得黎唔hardsell唔pushy好友善，全部海鮮幫我地set好時間，下仲幫我地拆埋開邊，服務一流。龍蝦，鮑魚，花甲，海蝦等等，全保好新鮮鮮甜！！完全唔需要任何配料已經可以鮮甜無比，彷彿海鮮係即捕即食感覺一樣，一啲都冇誇張，仲啖啖肉！！ 花甲仲encore左三次。另外仲有叫咗肥牛，雪花好靚～ 蜂巢豆腐同枝竹配湯底，個鷄食唔晒拎走。呢度卡位坐得舒服，冇時間壓力，下次約朋友打邊爐，呢度係首選。