五星餐廳

營業中

休息中

一向係茶餐廳fans, 上個禮拜同朋友係灣仔行完街發現這間五星茶餐廳就決定一試!最後決定同朋友叫左五香肉丁炒飯,椒鹽九肚魚同蒜蓉白菜仔.等候時間唔算長,而且店內有兩部大電視,等候時間可以睇法證先鋒!唔錯唔錯!驚喜之處在於上菜前晚餐既例湯,是日例湯係南瓜湯!南瓜幾入味,而且油分唔多,因為老闆娘話佢有親自隔油,個飯前湯感覺上好健康,而且好有住家湯感覺,絕對唔求其!五香肉丁粒配菜絲抄飯.呢個飯好適合喜歡吃辣人士!而且份量好多,一個人一碟飯絕對已經有飽肚感覺正正正九肚魚!九肚魚本身好滑身,而且無乜骨,入口感覺好滑,加埋酸甜汁真的不錯當日九肚魚差唔多賣灑,老闆娘有補番幾件椒鹽魷魚比我地,魷魚都唔錯!不過始終係炸既,食耐左口會乾,好彩有凍檸茶解渇蒜蓉白菜仔!跟平日的蒜蓉白菜差不多總括而言,再一次顯示茶餐廳快靚正既魔力,等候時間唔長,食物亦唔錯,食完好飽肚好滿足.下次去應該會試石頭鍋仔類既菜,因為見到隔離枱叫左,個石頭鍋炸到沙沙聲,好香好吸引!老闆娘亦好親切,加分!