一遊

營業中

休息中

🍣 海膽吞拿魚壽司：真係幾高質，海膽鮮甜，吞拿魚啲油脂味夠出，入口一流😋。🍤 天婦羅盛合：啲炸物種類多，脆漿夠薄，炸蝦🦐同炸紫菜海膽🟢真係幾出色，海膽入口即溶，紫菜片仲脆到似薯片，保留晒食材原味。🍲 豚肉豆腐鍋：湯底好鮮甜，日本豆腐軟滑，配上豚肉🐖，整體唔錯，適合想飲啖熱湯既人。🐙 明太子燒魷魚：魷魚筒燒得好香，唔韌反而彈牙🦑，夠鮮味。啲明太子醬配埋一齊幾惹味，幾啱送酒🍶。🍳 厚燒玉子：質感滑溜，味道偏甜，啱啲鍾意關西風味既朋友食🥚。🍚 三文魚海鮮炒飯：每一口飯都係珍珠米炒得粒粒分明，海鮮料好足，包括蝦🦐、魚🐟、三文魚🐠，份量大到四個人都食唔哂。🦀 蟹肉忌廉球：幾適合鍾意煎炸小食既人，炸得香口，中間啲忌廉唔會太膩，食落唔錯。🍅 海鮮蕃茄湯：湯底甜而清新，海鮮份量豐富，味道層次感好，有種暖胃又舒服既感覺。今次灣仔一遊嘅體驗幾滿意，適合朋友聚餐👫👭或者家庭聚會👨‍👩‍👧‍👦分享。食完有返屋企既滿足感🍴。