影片
更多
2021-08-26
78 瀏覽
今日係灣仔上完training，同course友一齊相依韓國野，決定試下～Steak Omakase Selection $380/人見到呢個set好豐富，仲包埋熟成牛扒，決定試下～無限任添的韓式前菜，個人最中意茄子同魚仔，平時都食唔到～蔬菜籃都係無限refill的～Set包左一款前菜，我地揀左和牛他他將生和牛肉、蛋漿、調味放上紫菜，再加埋梨條同青椒，非常開胃～套餐包埋的韓式蒸蛋上碟時仲係熱辣辣的蒸蛋，配上蟹籽同蟹柳條，軟綿綿的口感好暖胃～今晚的主角：Sirloin厚切熟成扒店員先介紹當晚嘅熟成扒。店舖內設有熟成櫃，每塊扒經過專人自行調整及跟進熟成程序，整個過程大約需時28-45日，所以每塊肉都有獨一無二味道。呢盤Steak Omakase包括熟成醬油牛肋骨、和牛雨下肉、是日熟成牛扒同埋韓國五花肉。店員十分熱情地詢問洗唔洗幫手燒，有人幫手當然好啦～店員好掌握每塊肉需要燒嘅時間同熟度，讚～個人最中意當然係熟成牛扒～肉質軟身，好濃郁嘅牛味，最特別嘅地方係，食下食下覺得食到blue cheese嘅味道，應該就係熟成扒獨特的地方～回味無窮～因為覺得呢間啲牛相當出色，決定追加一碟和牛三角 $28
Steak Omakase Selection $380/人
見到呢個set好豐富，仲包埋熟成牛扒，決定試下～
無限任添的韓式前菜，個人最中意茄子同魚仔，平時都食唔到～
蔬菜籃都係無限refill的～
Set包左一款前菜，我地揀左和牛他他
將生和牛肉、蛋漿、調味放上紫菜，再加埋梨條同青椒，非常開胃～
套餐包埋的韓式蒸蛋
上碟時仲係熱辣辣的蒸蛋，配上蟹籽同蟹柳條，軟綿綿的口感好暖胃～
今晚的主角：Sirloin厚切熟成扒
店員先介紹當晚嘅熟成扒。店舖內設有熟成櫃，每塊扒經過專人自行調整及跟進熟成程序，整個過程大約需時28-45日，所以每塊肉都有獨一無二味道。
呢盤Steak Omakase包括熟成醬油牛肋骨、和牛雨下肉、是日熟成牛扒同埋韓國五花肉。店員十分熱情地詢問洗唔洗幫手燒，有人幫手當然好啦～店員好掌握每塊肉需要燒嘅時間同熟度，讚～
個人最中意當然係熟成牛扒～肉質軟身，好濃郁嘅牛味，最特別嘅地方係，食下食下覺得食到blue cheese嘅味道，應該就係熟成扒獨特的地方～回味無窮～
因為覺得呢間啲牛相當出色，決定追加一碟和牛三角 $280
油脂分佈得非常靚，每面各燒約一分鐘後，入口即溶～用料非常高級，絕無欺場～
套餐仲包一客主食，因為都飽左7-8成，所以揀左熟成雪濃湯。雪濃湯嘅味道清甜，解膩一流；飯面加上脆紫菜，勁似我最愛嘅牛角飯，正～
最後以套餐的甜品 蜂蜜雲尼拿雪糕作結，大滿足～臨走時見到原來餐廳有三間超大間嘅獨立VIP房，傾生意/公司飯聚一流～
張貼
