影片
更多
2023-12-16
44 瀏覽
📍灣仔 OVO CAFE呢間位於灣仔嘅園景素食餐廳，裝修得非常精緻，係行森林風格。舖頭入邊嘅座位都擺放得好寬敞，所以都坐得好舒服。除咗餐廳之外，其實佢另一邊仲係擺放咗好多圓景，甚至係有個園景師喺度裝飾植物。相信好多想食素食嘅人，都成日搵唔到餐廳，而呢間餐廳係全素，佢嘅Menu寫得好清楚每樣食物係全素定係蛋奶素，所以，食素食嘅朋友都唔使擔心會嗌錯。٩(˃̶͈̀௰˂̶͈́)و四重芝士Imposible meat肉醬流心蛋扁意粉套餐 $188呢個套餐嘅食物非常豐富，係有餐湯、沙律、小食同主菜，佢嘅餐湯係紅蘿蔔湯，係每一啖都能夠飲到紅蘿蔔嘅質感，而且有好多打溶咗嘅紅蘿蔔肉喺中間，口感非常豐富。而佢嘅沙律係有雜果喺面頭，加埋佢嘅柚子醬，味道非常驚喜。至於小食方面我哋叫咗一個魚餅，本身都好擔心佢會好重豆味，點知原來係菇做個魚肉，仲要有埋魚肉嘅香味，唔講真係唔知食緊素菜。最後講埋佢個肉醬扁意粉，係用咗最新嘅Impossible肉嚟整，加埋佢好濃厚嘅蕃茄汁香味，完全唔覺得奇怪，仲要配合得非常之好。最後喺飲品方面，佢本身呢個餐可以跟埋餐飲，但係我就非常想飲咖啡，所以就以半價嘅價錢揀咗一杯latte。佢嘅latte鮮
呢間位於灣仔嘅園景素食餐廳，裝修得非常精緻，係行森林風格。舖頭入邊嘅座位都擺放得好寬敞，所以都坐得好舒服。除咗餐廳之外，其實佢另一邊仲係擺放咗好多圓景，甚至係有個園景師喺度裝飾植物。相信好多想食素食嘅人，都成日搵唔到餐廳，而呢間餐廳係全素，佢嘅Menu寫得好清楚每樣食物係全素定係蛋奶素，所以，食素食嘅朋友都唔使擔心會嗌錯。
٩(˃̶͈̀௰˂̶͈́)و
四重芝士Imposible meat肉醬流心蛋扁意粉套餐 $188
呢個套餐嘅食物非常豐富，係有餐湯、沙律、小食同主菜，佢嘅餐湯係紅蘿蔔湯，係每一啖都能夠飲到紅蘿蔔嘅質感，而且有好多打溶咗嘅紅蘿蔔肉喺中間，口感非常豐富。而佢嘅沙律係有雜果喺面頭，加埋佢嘅柚子醬，味道非常驚喜。至於小食方面我哋叫咗一個魚餅，本身都好擔心佢會好重豆味，點知原來係菇做個魚肉，仲要有埋魚肉嘅香味，唔講真係唔知食緊素菜。最後講埋佢個肉醬扁意粉，係用咗最新嘅Impossible肉嚟整，加埋佢好濃厚嘅蕃茄汁香味，完全唔覺得奇怪，仲要配合得非常之好。最後喺飲品方面，佢本身呢個餐可以跟埋餐飲，但係我就非常想飲咖啡，所以就以半價嘅價錢揀咗一杯latte。佢嘅latte鮮奶味非常濃郁，而且拉花好靚，打卡一流！
炸魚薯條 $88
佢嘅炸魚炸得非常香口，中間嘅肉係用豆而成，配埋炸粉都非常配合，而薯條方面份量都好多。
朱古力心太軟配雪糕 $70
佢嘅朱古力心太軟味道非常濃郁，滿滿嘅朱古力留心真係令人樂而忘返。加埋佢個雲呢拿雪糕，見到佢每一啖都有雲呢拿籽喺入邊🩵。
張貼
