Sour Dough

營業中

休息中

身為麵包控的我最近終於朝聖了依間人氣酸種麵包專門店。我地星期日早上到訪，見人龍排到門口外面，不過等候時間唔長。店舖是先取位後排隊到前台揀選食物，前台陳列的包點種類和款式非常多，有：軟包🫓、千層酥🫔、奶油酥🥨、薄餅🍕、撻🥧類等等，烘焙包點都由酸種麵團做的，新鮮出爐咖啡店亦有供應蛋餅🍳、沙律、蛋糕和其他輕食。🥐Sour Dough Croissant牛角包好大個，圓滾飽滿，切開入面摺疊層次和蜂巢氣孔分明，應該因為所用麵糰🫓的關係，顏色偏暗黃，口感就比平時食到的牛角包較堅實，有麥香🌾和微酸味。🥪Cubano古巴麵包裏面夾着手撕豬肉、煙肉、酸菜、沙律菜和瑞士芝士，餡料豐富。手撕豬肉醃得入味，古巴麵包經烘烤後變得非常脆口，好有口感。🍪Canele法式小甜點可麗露好大粒，外層厚實硬脆，有焦糖味，裏面是糊狀質感的奶油🍶，有牛奶和雲呢拿香味。咖啡店的麵包果然無令我失望，食物定價亦唔算高，包點種類實在太多，樣樣都想試，可惜眼闊肚窄，會想再訪。🙋🏽‍♀️想知更多飲食資訊, Follow Instagram: misslittlebigeater 🙆🏽‍♀️