盛記酒家

營業中

休息中

幾個同事做到夜，收工係附近搵野食，去左呢間酒樓，叫咗幾個餸配啤酒！ 欖角冰梅骨好有特色，欖角嘅甘香同冰梅嘅甜酸，味道係偏酸，排骨肥瘦適中，醬汁濃郁但唔膩！ 乾撈海王粉絲煲粉絲炒得夠鑊氣，海鮮料足，每啖都食到魷魚同蝦嘅鮮味，見隔離檯都有嗌。 金牌炸子雞，皮脆肉滑，雞胸位都唔會「鞋口」，果種薄皮同肉汁，宜家寫住食評都依然回味。 蝦乾魚肚浸時蔬湯底清甜，魚肚軟滑吸湯，蝦乾嘅鹹香，仲有啲菇菌白菜仔，係健康之選。 最後仲有糖水送，當日係綠豆沙，煲到起沙，而家多豆多料岩哂我，甜度適中，暖胃又滿足。