一番風味 (已結業)

友人話灣仔道有一間既抵食又好食的餐廳，其中，招牌膏蟹粥一定唔可以錯過。這日放工，就與兩位好友吃蟹粥去。一窩的蟹粥，份量比想像中多，應該足夠4-5人共享。一打開煲蓋，就見到一大鍋金黃色的蟹粥，且嗅到一陣陣鮮香氣味，口水不禁流下來了！粥煲得十分綿滑香腍，橙黃硬實的蟹膏混在粥裏，再加上鮮嫩蟹肉，真的是yummy yummy! 除左一鍋蟹粥，我們又叫左兩道惹味小菜 - 薑蔥炒桶蠔和銀稔碌鵝。薑蔥炒桶蠔中的桶蠔，煮後仍然係大大隻的，外脆內嫩，尤其係蠔的中間位置，咬落去十分鮮美鮮爆汁。另一碟銀稔碌鵝，肥美鮮嫩的鵝肉，配上酸甜的醬汁，十分惹味濃香，教人醒神開胃。如果配上一碗白飯，那就正了！