影片
更多
2023-01-27
2999 瀏覽
Chotto Maki 📍灣仔廈門街33號地舖元旦晚餐同朋友一齊食咗一間佢公司附近嘅takeaway，無論係店面、包裝定食物嘅presentation都好有美式壽司卷店嘅感覺，整體價錢比較貴，但味道同質素都好高，而且每消費夠$100就可以獲得一個印花，儲夠10個印花就可以換一款$78或以下嘅卷物，都叫抵返，所以想推介俾大家試下！ 💰$72Philadelphia Classic Rolls 🍣呢度嘅classic roll有8件，而Philadelphia係其中一款比較受歡迎嘅卷物，除咗三文魚同牛油果，佢中間仲夾咗cream cheese，面頭鋪滿咗一大堆飛魚籽，食落卜卜聲，好過癮！醬汁方面，除咗有沙律醬，佢仲落咗鰻魚汁，令到個卷有牛油果嘅清新感，但又有濃濃醬汁嘅惹味，我同朋友都十分滿意！ 💰$72Sea Monster Signature Rolls 🍣至於呢款signature roll就得4件，但size都比classic嘅大，大概就係一個飯團嘅size。朋友好鍾意食蟹，所以我幫佢揀咗呢款sea monster卷，食到佢不知幾滋味！除咗蟹棒拆肉之外，個卷裏面仲有天婦羅蝦同青瓜，食
📍灣仔廈門街33號地舖
元旦晚餐同朋友一齊食咗一間佢公司附近嘅takeaway，無論係店面、包裝定食物嘅presentation都好有美式壽司卷店嘅感覺，整體價錢比較貴，但味道同質素都好高，而且每消費夠$100就可以獲得一個印花，儲夠10個印花就可以換一款$78或以下嘅卷物，都叫抵返，所以想推介俾大家試下！
[價錢 Price]
💰$72
Philadelphia Classic Rolls 🍣
呢度嘅classic roll有8件，而Philadelphia係其中一款比較受歡迎嘅卷物，除咗三文魚同牛油果，佢中間仲夾咗cream cheese，面頭鋪滿咗一大堆飛魚籽，食落卜卜聲，好過癮！醬汁方面，除咗有沙律醬，佢仲落咗鰻魚汁，令到個卷有牛油果嘅清新感，但又有濃濃醬汁嘅惹味，我同朋友都十分滿意！
[價錢 Price]
💰$72
Sea Monster Signature Rolls 🍣
至於呢款signature roll就得4件，但size都比classic嘅大，大概就係一個飯團嘅size。朋友好鍾意食蟹，所以我幫佢揀咗呢款sea monster卷，食到佢不知幾滋味！除咗蟹棒拆肉之外，個卷裏面仲有天婦羅蝦同青瓜，食落好清爽！卷面有海量嘅櫻花蝦，海鮮味爆曬燈！最特別嘅係除咗有上面提過嘅醬汁外，佢仲有蒜片、甜薯粉同house special sauce作點綴，令味道昇華！
雖然整體比較貴，但食落食材好新鮮，卷物又靚又好味，睇得又食得！如果唔係用咁靚嘅包裝，價錢調整一下，平啲的話，相信會吸引到更多人食！
張貼
