講起食素，係咪淨係諗起老派嘅素食餐廳？其實新式的素食餐廳，可以係令身心都好refreshing嘅地方。上星期六去咗灣仔素某so’N，白色簡潔嘅裝修、令人放鬆嘅純音樂、沁人心脾嘅茶香，一切都係歲月靜好嘅沉浸式療癒體驗。
非常推薦呢度嘅「素餃子」，一碗六大粒湯餃，裏面係素菜同粉絲餡。最欣賞係佢哋嘅擺盤，餃子上面有塊小荷葉點綴，底下有紫菜鋪墊，令餃子彷如荷塘中的荷花，色香味俱全。
5
「菇菌貓耳朵粉」係比較西式嘅做法，用咗黑松露同豆腐做配料，蘑菇汁非常惹味。
套餐可以自選一個小食，個人私心推薦「黑糖山藥糕」，中式糕點配搭清茶可謂絕配。
呢度嘅Mocktail、Latte同茶飲都用「嫩芽」、「展開」、「揚眉」、「安逸」黎寓意人生四個階段，配合返飲品嘅口味，別具意思。
「揚眉.草本拼配茶」有撲鼻嘅薰衣草香，入口有甘草同咖啡果皮味道，非常特別。
「揚眉.Mocktail」酒味唔濃，反而有蘋果蓉、肉桂同檸檬蜂蜜嘅清新果香，非常易入口。
呢度嘅午市套餐，其實都係$158起，已經包括咗主食、點心、果仁、甜品同特選拼配茶，可選性價比高。最重要係個環境非常舒適。非常建議大家用一杯茶嘅時間，睇吓書或者腦袋放空一下，沉浸喺呢度嘅靜謐之美。
