影片
更多
2021-06-21
642 瀏覽
朋友鍾意食中餐，佢帶我去試咗呢間喺灣仔嘅隱世私房菜餐廳。中午有提供多款午市套餐，仲有一啲前菜、小食、招牌菜，頗多選擇。我哋就點咗兩個套餐再加3樣小食同埋甜品試吓。冰鎮鮑魚 $88/隻鮑魚好柔軟爽滑，沾上特別調製嘅辣椒豉油加上一點日本芥辣，冰鎮鮑魚感覺好清新，好啱做前菜。蝦多士 $88/件蝦多士不得了，金黃香脆，底部係酥脆多士，上面鋪滿厚厚嘅爽口蝦膠，裏面仲有一整隻鮮蝦，好正。沾上特配嘅醬汁，酸甜酸甜，又有另一番風味。跟住落嚟有老火湯，套餐包咗嘅。今日係木瓜花生湯，幾清潤香甜。金錢蓮藕餅 $88/4件呢個係套餐嘅追加小食，兩塊爽脆嘅蓮藕片夾住厚身爽口嘅豬肉餅，煎得好香口，灑上一啲椒鹽，食嘅時候再沾上喼汁，好惹味。順德煎釀鯪魚$138呢個係順德名菜，考師傅刀工，一整條鯪魚全部起肉拆骨，將魚皮完整保留，用魚肉做成彈牙魚肉餅，伴入少少陳皮香蔥，釀入魚身。外面嘅魚皮煎得好香，魚嘅香味散發出嚟，咬落去脆脆的，裏面係啖啖肉嘅魚餅，再用冬菇粒同埋蔥粒造成伴碟茨汁，好經典傳統嘅一道美味菜式。薑蔥粉絲海蝦煲$138好有鑊氣，上枱夠晒熱，薑蔥香氣十足，粉絲乾身唔油膩，口感好爽，味道主要食薑蔥香味，個人覺得可
冰鎮鮑魚 $88/隻
鮑魚好柔軟爽滑，沾上特別調製嘅辣椒豉油加上一點日本芥辣，冰鎮鮑魚感覺好清新，好啱做前菜。
蝦多士 $88/件
蝦多士不得了，金黃香脆，底部係酥脆多士，上面鋪滿厚厚嘅爽口蝦膠，裏面仲有一整隻鮮蝦，好正。沾上特配嘅醬汁，酸甜酸甜，又有另一番風味。
跟住落嚟有老火湯，套餐包咗嘅。今日係木瓜花生湯，幾清潤香甜。
金錢蓮藕餅 $88/4件
呢個係套餐嘅追加小食，兩塊爽脆嘅蓮藕片夾住厚身爽口嘅豬肉餅，煎得好香口，灑上一啲椒鹽，食嘅時候再沾上喼汁，好惹味。
順德煎釀鯪魚$138
呢個係順德名菜，考師傅刀工，一整條鯪魚全部起肉拆骨，將魚皮完整保留，用魚肉做成彈牙魚肉餅，伴入少少陳皮香蔥，釀入魚身。外面嘅魚皮煎得好香，魚嘅香味散發出嚟，咬落去脆脆的，裏面係啖啖肉嘅魚餅，再用冬菇粒同埋蔥粒造成伴碟茨汁，好經典傳統嘅一道美味菜式。
薑蔥粉絲海蝦煲$138
好有鑊氣，上枱夠晒熱，薑蔥香氣十足，粉絲乾身唔油膩，口感好爽，味道主要食薑蔥香味，個人覺得可以豉油再濃味少少。蝦好新鮮，雖然唔算好大隻，但係size都OK，蝦肉鮮甜。
跟餐仲有油菜同埋白飯，但係我哋想多試其他嘢，就冇要個白飯。
食咗咁多嘢之後梗係要食甜品，我哋加咗$38 ，要咗蛋白杏仁茶。杏仁味好香濃，真材實料，唔會太稠好糊狀，有好多嫩滑蛋白，口感正，食完即刻覺得好滋潤。
張貼
