影片
更多
2022-09-27
97 瀏覽
灣仔有間食順德嘅私房菜館，就係我呢次依間名門私房菜。1）螺頭燉翅骨湯：呢個湯嘅用料十分之講究，用一條名貴嘅魚翅骨、鮮甜嘅螺頭、仲有豬展等配料，熬製多個小時，令湯頭變得更為鮮甜，一啲腥味都無，仲有豐富嘅骨膠原，全因有魚翅骨。2） 原隻鮑魚扣鵝掌：紅燒鮑魚好大隻，炆煮得夠腍夠入味，口感仍好然彈牙爽口，而鵝掌亦都炆到入哂味，吸收哂鮑魚嘅精華同埋香濃嘅味道。3） 懷舊蝦多士拼大良炸鮮奶：大良出名嘅炸鮮奶，奶香味濃，炸到外脆內軟，口感仍然滑溜，令人一食上癮。而蝦多士用料十足，除咗表面有蝦膠，喺多士入面都有蝦膠作餡，口感彈牙，味道鮮甜，蘸埋秘製嘅柚子醬汁，酸酸甜甜可以有效減低蝦多士嘅油膩感。4）鮮蟹肉瑤柱洋蔥焗蟹蓋：極為鮮甜嘅蟹肉，配埋瑤柱、洋蔥等配料放入蟹蓋一齊焗，令蟹肉吸收哂配料嘅味道同精華，令味道變得更為豐富。5） 古法瓦罉豉油雞：原個瓦罉上檯，入面嘅雞用咗香濃嘅醬油上色，仲用咗玫瑰酒入饌。令雞肉除咗有濃郁嘅醬油味之外，仲帶有陣陣嘅玫瑰酒香，而醬油經過秘製，所以帶甜，可以有效突出雞嘅鮮味。6）麵醬啫啫唐生菜煲：麵醬嘅香味未上檯都聞到，煲身夠熱，所以一翻起唐生菜嗰下就發出 jer ier 聲，
1）螺頭燉翅骨湯：呢個湯嘅用料十分之講究，用一條名貴嘅魚翅骨、鮮甜嘅螺頭、仲有豬展等配料，熬製多個小時，令湯頭變得更為鮮甜，一啲腥味都無，仲有豐富嘅骨膠原，全因有魚翅骨。
2） 原隻鮑魚扣鵝掌：紅燒鮑魚好大隻，炆煮得夠腍夠入味，口感仍好然彈牙爽口，而鵝掌亦都炆到入哂味，吸收哂鮑魚嘅精華同埋香濃嘅味道。
3） 懷舊蝦多士拼大良炸鮮奶：大良出名嘅炸鮮奶，奶香味濃，炸到外脆內軟，口感仍然滑溜，令人一食上癮。而蝦多士用料十足，除咗表面有蝦膠，喺多士入面都有蝦膠作餡，口感彈牙，味道鮮甜，蘸埋秘製嘅柚子醬汁，酸酸甜甜可以有效減低蝦多士嘅油膩感。
4）鮮蟹肉瑤柱洋蔥焗蟹蓋：極為鮮甜嘅蟹肉，配埋瑤柱、洋蔥等配料放入蟹蓋一齊焗，令蟹肉吸收哂配料嘅味道同精華，令味道變得更為豐富。
5） 古法瓦罉豉油雞：原個瓦罉上檯，入面嘅雞用咗香濃嘅醬油上色，仲用咗玫瑰酒入饌。令雞肉除咗有濃郁嘅醬油味之外，仲帶有陣陣嘅玫瑰酒香，而醬油經過秘製，所以帶甜，可以有效突出雞嘅鮮味。
6）麵醬啫啫唐生菜煲：麵醬嘅香味未上檯都聞到，煲身夠熱，所以一翻起唐生菜嗰下就發出 jer ier 聲，而時間持續有分幾鐘，唐生菜嘅爽脆度啱啱好，又有麵醬嘅獨有味道，用嚟配白飯就最啱。
7）蛋白杏仁茶：平時我對杏仁茶好抗拒，覺得味道好古怪，呢度嘅杏仁茶味道好柔和，仲加埋蛋白，令杏仁茶多添一份口感。
張貼
