Mr. Crab by The Captain's House (已結業)

灣仔嘅Mr Crab嘅海鮮袋非常出名，梗係要再次去食啦！Seafood combo ：嚟得呢度一定要叫返個海鮮袋啦！呢個套餐嘅海鮮袋可以揀三款嘅海鮮，佢哋分別有海蝦，海蜆，馬尼拉蜆，藍青口，小龍蝦，翡翠螺，八爪魚仔，原隻魷魚（無頭），仲可以加錢選擇埋原隻龍蝦，阿拉斯加蟹腳同鱈蟹腳添。我哋呢次就揀左原隻魷魚，海蜆同埋八爪魚仔，加埋Mr Crab Cajun Sauce 。佢哋用嘅海鮮夠哂新鮮，夠哂鮮甜，肉質口感彈牙爽口，而醬汁夠哂惹味，令人一食上癮。法式煮青口：佢哋提供咗三款不同口味嘅醬汁煮青口，分別係白酒牛油汁，香草忌廉汁同埋我呢次揀嘅龍蝦濃湯。龍蝦濃湯嘅龍蝦味除咗好濃郁，仲好鮮甜，同藍青口真係好夾，可謂鮮上加鮮。蟹肉蟹膏南瓜意大利飯：意大利飯嘅火候控制得宜，飯身軟硬適中，夠哂Creamy ，而飯入面食到有蟹膏嘅鮮甜同絲絲嘅蟹肉，而南瓜嘅清甜亦令意大利飯無咁滯。