海南雞飯套餐
我哋加咗八蚊要雞髀位🥰 真係超級嫩滑 海南雞並唔係無骨嗰種 但我都覺得幾好 雞髀位好啖啖肉🐥 配埋油飯真係絕配 呢個油飯唔會過份油膩 依然粒粒分明🍚 呢個餐仲配埋個菜添 真係夠晒均衡飲食🥬
焗農夫咖喱包配咖喱牛脷
牛脷份量好多 而且每塊都幾厚身 非常抵食👅 店鋪選擇嘅牛脷部位係比較重油脂感同腍身嘅 所以令人好滿足😆 好耐都冇食過咁高質素嘅牛脷 另外餐廳嘅咖喱都有兩款可以選擇 有新加坡咖喱 同埋印度番茄咖喱 我哋揀嘅新加坡咖喱味道都好大眾化 唔會過份辣 只係好惹味 點埋充滿牛油香嘅農夫包就啱晒🍞 我幾鍾意佢個農夫包 焗得好香脆 尤其係頂部😎
沙嗲串燒
呢個可以雙拼 分別有雞同豬各3串 豬肉比較有咬口 完全冇過份醃製🐷 雞肉燒完都仲係好多肉汁 juicy嘅雞肉會令我下次都想嗌呢碟 如果沙爹醬嘅花生味再香啲就好喇🥜
拉茶
呢杯拉茶幾乎每枱都會嗌 我哋都嗌杯試吓 首先佢真係好大杯🧋 仲要賣相好有氣勢 望住水吧位置仲可以見到店員拉茶 真係有得睇又有得享受美食呀🙊 最後再加埋打發咗嘅泡泡🫧 啱晒打卡 味道方面冇其他星馬餐廳嘅拉茶咁甜 我自己就好滿意呢杯飲品
美祿恐龍
除咗有美祿小山之外 面頭仲有棉花糖 真係甜在心頭🍭 小朋友同大朋友都一樣會鍾意呀👶🏻
呢間餐廳嘅食物都幾高質 尤其是牛脷 真係好想推介比大家🤪 另外店員嘅服務態度都幾好☺️
