黑龍

營業中

休息中

同男朋友行街，係時候食午餐，見到有間叫 《黑龍》的拉麵店，係灣仔汕頭街29號地舖。店舖門面就係成間三角頂屋型，非常搶眼！入面的裝潢就係拉麵店的格局，好正宗😂！我哋每人各叫左一碗拉麵和一罐可樂。山椒辛味噌拉麵 $98 ，一上檯就聞到好香，香辣的山椒味配咸味味噌，湯底好惹味。腩肉肥瘦均勻，入口溶化，油脂係口裏散發！爽口的粟米芯燒過，有陣焦香味。☕️半隻溏心蛋，蛋汁係咁流出黎，好好味😋🐂牛筋black 拉麵 $98 ，呢個拉麵混合左港式風味，加左牛筋係入去🤩，好有特色呀。湯底係香濃的牛腩味，叉燒好靚好好食，牛筋又腍又滑，拉麵必有的溏心蛋亦好出色👍木耳絲爽口，洋蔥🧅和蔥令個麵的味道更有層次。