經過大王東街見到呢間越南舖頭，睇落幾有特色，於是入去試吓。
我同朋友點咗兩個set，分別跟一份主食、一份小食同一杯飲品。
<脆燒腩撈檬/越式春捲/西柚汁> $90
撈檬加咗啲魚露，再將啲配料同埋醬汁撈勻，食落味道清爽，解熱一流。
脆豬腩爽脆不油膩，點埋甜酸醬有種港越fusion感覺。春捲有驚喜，食落索索聲。
<香茅豬扒法包/木瓜絲沙律/椰青水> $80
香茅豬扒很貼心地為客人去骨，方便食用。不過我覺得豬扒份量有啲少。至於木瓜絲沙律味道正常。
1
總括黎講，食物味道不錯，而且老闆娘都好熱情介紹菜色，如果想食越式嘅嘢係一個唔錯嘅選擇。
