首首.韓式小館 (已結業)

自喜帖街重建後，呢區嘅食肆變得更有情調，今日就同A姐嚟到利東街覓食天下啦。呢間首首.韓式小館，裝潢糅合傳統設計及現代摩登風格，好有特色！而菜式由韓籍大廚主理，大部份食材都係由韓國直送，真正一絲不苟。前菜食韓國菜又點少得泡菜呢？泡菜每日都會有少少分別，今日係泡菜、薯仔同海帶。泡菜夠入味，酸酸辣辣，好醒胃；而海帶爽口，無得輸；而薯仔就又淋帶甜，好開胃。香烤蒜粒醬油雞翼雞翼超濃超入味，味道一流！不過，略嫌雞翼太細隻，而層皮就乾咗啲啲。春川石板辣炒雞肉以鐵板形式上菜，夠晒熱辣辣。Menu寫住有3個辣椒，但無想像中咁辣，雞肉鮮嫩肉滑，仲有索晒味煙煙韌韌嘅年糕，甜甜辣辣的韓國味。韓式炒粉絲韓式粉絲用芝麻、醬油同麻油調味，香而不油，但又唔會死實實。配料有冬菇絲、木耳、青椒同洋蔥，當然唔少得牛肉啦！份量都十足。