影片
更多
2021-07-10
124 瀏覽
自從老婆公司搬左去尖東之後，我地都好少去灣仔食晚飯，今晚老婆妹妹約我地出黎食飯傾下湊仔經，趁此機會去返名門私房茶嘆返餐正宗順德私房菜。😋老婆係灣仔返工時曾經帶過我去呢度lunch，當中嘅蝦多士同冰鎮鮑魚真係一試難忘。我地今晚約左7點係餐廳先到先等，名門私房菜地方唔大，全店只有約10張枱，裝修簡約舒適。我地今晚交俾老婆妹妹發辦，坐定定等食。😆杏汁豬肺湯 今晚嘅湯私房中菜最常見的杏汁豬肺湯，豬肺清潔得非常乾淨，口感爽滑，配上鮮豬肉同杏仁汁燉成，非常滋潤。😍冰鎮鮑魚 每一次黎名門私房菜我地都必點呢款冰鎮鮑魚，鮑魚非常厚身，肉質軟腍帶有微微酒香，配上餐廳秘製醬汁，味道一試難忘。😋黃金蝦多士 蝦多士亦係名門其中一款招牌菜，滿滿彈牙蝦滑加上原隻鮮蝦炸至金黃香脆，配上用牛油炒香的鹹蛋黃蓉，非常邪惡而惹味。😆蜜餞藕餞煎金蠔王名門的金蠔絕對配得上叫做金蠔王，超級大隻，蠔肉肥美飽滿，色澤金黃通透，入口帶有蜂蜜甜香，炸脆了的藕片味道都唔錯。👍🏻 秘制陳皮豬肋骨豬肋骨厚肉，肉質彈牙，陳皮味濃，一碟有六大件，份量十足。順德鯪魚釀尖椒尖椒8隻入面有2隻是辣的，順德釀鯪魚鮮美嫩滑，同尖椒味道好配。👍🏻蕃薯糖水最
老婆係灣仔返工時曾經帶過我去呢度lunch，當中嘅蝦多士同冰鎮鮑魚真係一試難忘。我地今晚約左7點係餐廳先到先等，名門私房菜地方唔大，全店只有約10張枱，裝修簡約舒適。我地今晚交俾老婆妹妹發辦，坐定定等食。😆
杏汁豬肺湯
今晚嘅湯私房中菜最常見的杏汁豬肺湯，豬肺清潔得非常乾淨，口感爽滑，配上鮮豬肉同杏仁汁燉成，非常滋潤。😍
冰鎮鮑魚
每一次黎名門私房菜我地都必點呢款冰鎮鮑魚，鮑魚非常厚身，肉質軟腍帶有微微酒香，配上餐廳秘製醬汁，味道一試難忘。😋
黃金蝦多士
蝦多士亦係名門其中一款招牌菜，滿滿彈牙蝦滑加上原隻鮮蝦炸至金黃香脆，配上用牛油炒香的鹹蛋黃蓉，非常邪惡而惹味。😆
蜜餞藕餞煎金蠔王
名門的金蠔絕對配得上叫做金蠔王，超級大隻，蠔肉肥美飽滿，色澤金黃通透，入口帶有蜂蜜甜香，炸脆了的藕片味道都唔錯。👍🏻
秘制陳皮豬肋骨
豬肋骨厚肉，肉質彈牙，陳皮味濃，一碟有六大件，份量十足。
順德鯪魚釀尖椒
尖椒8隻入面有2隻是辣的，順德釀鯪魚鮮美嫩滑，同尖椒味道好配。👍🏻
蕃薯糖水
最後食埋碗蕃薯糖水，我地三個都非常滿足。😍
張貼
