影片
更多
2016-12-03
363 瀏覽
朋友大讚呢間以明信片、旅行做主題既cafe，話自從佢搬左去灣仔之後就無去過，今日陪佢黎一試。Cafe位於小巷之中，好少會貿貿然經過，顧客應該都係有目標咁過黎幫襯既。相信小本經營，要平衡人流同租金都有一定難度。不過平日既傍晚六點，都有接近滿座。舖面都算eye catching，一睇已經知道係走藍白航海風格。入到裡面有啲驚喜，因為裝修得好靚，牆上貼滿明信片同地圖，主題鮮明。四周既木櫃，自然都放置左好多旅遊書。旅遊雜誌。呢度樓底高，感覺好闊落舒服。Cafe一般既梳化、高枱以外，亦設有Bar枱，可以對住開放式廚房飲野。另外一邊，有佢地自己創作既明信片或者其他小手作既寄賣，亦都提供文具，俾大家畫postcard。去cafe既目的，當然係hea下，我地傾左陣計，途中又俾可愛既小貓吸引住，亦都拎左提供既card game黎玩。玩到有啲肚餓，就叫埋野食。一般cafe，都係提供一個地方俾大家消磨時間，食物水準多數都麻麻，但呢度，算係唔錯。先點左主菜，大蝦蕃茄意粉($88）同素食All day breakfast($108)。大蝦意粉味道正常，較為濕身，蕃茄汁幾開胃。素食All day breakfast
Cafe位於小巷之中，好少會貿貿然經過，顧客應該都係有目標咁過黎幫襯既。相信小本經營，要平衡人流同租金都有一定難度。不過平日既傍晚六點，都有接近滿座。
舖面都算eye catching，一睇已經知道係走藍白航海風格。入到裡面有啲驚喜，因為裝修得好靚，牆上貼滿明信片同地圖，主題鮮明。四周既木櫃，自然都放置左好多旅遊書。旅遊雜誌。呢度樓底高，感覺好闊落舒服。Cafe一般既梳化、高枱以外，亦設有Bar枱，可以對住開放式廚房飲野。另外一邊，有佢地自己創作既明信片或者其他小手作既寄賣，亦都提供文具，俾大家畫postcard。
去cafe既目的，當然係hea下，我地傾左陣計，途中又俾可愛既小貓吸引住，亦都拎左提供既card game黎玩。玩到有啲肚餓，就叫埋野食。一般cafe，都係提供一個地方俾大家消磨時間，食物水準多數都麻麻，但呢度，算係唔錯。
先點左主菜，大蝦蕃茄意粉($88）同素食All day breakfast($108)。大蝦意粉味道正常，較為濕身，蕃茄汁幾開胃。
素食All day breakfast，最有驚喜既係有別於一般既炒蛋，提供既係蛋餅，入面有黑松露醬，好香，好好味。其他食物水準正常，牛油粟米整得特別香甜。
飲品方面，好想試咖啡，但又怕瞓唔著，最後只係叫左一個香芋latte($48)。奶泡打得好豐富，有淡淡香芋味。平時香芋飲品一係好甜好假，又或者好杰好飽肚，呢度拿捏得幾好。臨走發現，門口既牌原來寫住做緊推廣，星期一咖啡買一送一，下次一定要試下。
誠意推薦大家黎呢度試一下佢地既甜品，眼見隔離枱既雪糕鮮果忌廉杯賣相十分吸引。不過我地最後選擇左特濃抺茶鐵板affogato($48)，好彩無選擇錯！抺茶醬由自己淋上，將雲呢拿雪糕染綠，下面既雪芳蛋糕將其全部吸收。凍冰冰既雪糕，再配上軟綿綿既蛋糕，而蛋糕底又經鐵板烘脆左。好味！為左可愛既幾隻貓仔，同埋要再試呢度既咖啡同甜品，我係會再幫襯架！
張貼
