香港郵意明信片航海主題咖啡廳 (已搬遷)

今日去咗銅鑼灣行街，諗緊食咩既時候，無意中發現呢間餐廳，幾隱蔽，係見到路邊有支旗先發現到，好奇心驅使下就行咗過去睇，見到lunch價錢都ok,所以就決定係到食叫咗兩個lunch set,一個鰻魚飯同一個吉列豬扒烏冬，價錢五六十蚊，包一杯小飲品，係銅鑼灣咁既地區算差唔多啦，分量一般，我份人比較細食，啱啱好食哂，唔洗食淨野，味道方面個鰻魚飯好好食，表面略有少少烤過，攞埋d醬汁溝飯食，正！吉列豬扒都好食，豬扒炸得好脆，如果經過銅鑼灣，不妨試下P.S 店裏面有兩隻貓，愛貓人士唔好錯過，店鋪氣氛都好relax,行到攰坐係到吹水都幾好…查看更多

Happy Friday部門team lunch，同意建議再來這裡，因為上次大家去呢間覺唔錯，所以encore。到店外，見裝修少少不同，多了些日式佈置，店內原本放postcard的位置現在放多張枱，另一邊牆身就放了大堆日本酒樽，postcard只佔貼在牆上。再看餐牌，原本西式的餐單，變了日式；雖則佢仲有all day breadfast，但可選的，如以前的pizza、意粉都冇左。唔知係唔係易左手，不過以上的轉變，令餐廳變得不倫不類，少了cafe應有的氣氛。說回食物，點了灼燒鰻魚飯和金桔蜜。照舊出去買野俾錢坐埋位等送餐。見到食物來了，碗就大，但份量少得可憐，飲品仲樣衰衰，通常熱飲我都知會細杯d，但估唔到係一啖飲得完嗰種細囉。同事點的松葉蟹飯佢地話水汪汪，中晒伏；反而叫最便宜的雞扒飯就ok。只可講句：今次中伏了。公平d講，鰻魚飯味道仲可以，但如果食日式，我唔使去呢間囉。一係就正式咁全部野連裝修、食物都轉埋日式，又要扮cafe，俾佢呃左。咁佢冇變的是仲有兩隻貓，有佢地都仲覺咖啡時光仲係度。食完，女同事都話仲肚餓，決定去麥記再買包、批食。我地一致決定唔會再去呢間lunch。餐廳，除了食品，我更注重氣氛，可以係舒服的cafe、可以係地踎的大排檔茶記，但咁樣兩頭唔到岸、不倫不類的，我接受唔到囉。…查看更多

這日的LUNCH相當難得，雖然已開工，但女友仍放假中，更特意抽時間來陪我食個LUCNH，實在相當開心又溫韾。至愛來到當然不能待慢，於是就選了這間食過是食物有質素，環境又好的餐廳。可能因還有很多人未開工，所以雖然午飯時間，但顧客比平時更少，大把靚位任坐。菜單有許多日式的飯餐，我們女友選了灼燒鰻魚飯丼 和照燒鯖魚飯丼 灼燒鰻魚飯丼 $68鰻魚煎得很香，鰻魚多汁，口感軟腍，而且份量也適中。照燒鯖魚飯丼 $58鯖魚肉質上乘，煎得也很好，肉質細緻不鬆散，食落有魚香。價錢算不過不失，又坐得舒服，環境有格調，是一個不錯的午飯好地方。快樂的時間過得特別快，很快午飯時間結束又要回公司工作了。…查看更多

成功喺團購裏面採購咗一張喺銅鑼灣後街嘅小店的心太軟。睇到團購入面食客影嘅相，雖然只係畀十蚊，但係呢個心太軟絕不欺場!!但係要留意嘅係，由於餐廳只係間小店，人手有限，所以整食物嘅時間都比較耐，所以我哋同時間點左一碗鰻魚飯。賣相還可以啦，食物質素和味道就一般。個鰻魚飯雖然好多汁，但係個鰻魚比較近似食緊海蜇。食完鰻魚飯之後就用團購券換咗一個心太軟。除左有流心朱古力蛋糕之外，仲有兩個細細地嘅牛角包和一球雪糕。牛角包食得出嚟自家製的，個雪糕就一般喇。不過以10蚊呢個價錢嚟講，絕對係超值!抵食!而且由於地理環境因素影響啦，店內嘅食客都唔算多，所以適合同朋友仔坐下傾下偈。而且餐廳另外一個賣點係可以即時買張明信片。仲有待寄服務~喺宜家資訊發達嘅社會，停一停，寫張明信片畀朋友或者自己都係一個唔錯嘅選擇！:)…查看更多

經openrice 訂的枱……這是一家隱藏在灣仔後街的小店……因為多加了串燒，門面沒法認出店名，最後要打去問才可找到，應要改善這是一家自助餐廳。客人自己到櫃檯買單。坐位舒適，環境也佳。只是覺得價位不算中下有點服務比較好。食物價位还好但飲料的質素vs價錢有點偏高。串燒雞很出色！ 很juicy很嫩。豬扒丼不夠熱，中等貨色。 菜的汁太濃，清炒已夠……炸魷魚很好，香嫩……大推!糯米雞翼做的一般。 cappuccino也是…… 不明白為什麼一家主打咖啡的餐廳是沒有黃糖的…….还有他的咖啡非常苦。要說一下吃滿350元送的心太軟品質蠻好的。 可以想像若在哪裏吃下午茶的話應是一個不錯的選擇。 心太軟旁的那個牛角酥很香脆， 做得非常好！這牛角酥甜品值得一讚。…查看更多

自助搵位、落單、執台既文青café去唔少，無獨有偶地都味道都冇乜驚喜，但有幾隻貓貓悠閒咁走黎走去，假日黎輕鬆下都幾開心丫~菠菜雜菌闊條麵 lunch set 配matcha latte一百有找，典型材料新鮮但冇乜味既意粉，惟有安慰自己當清下腸胃。 matcha latte跟餐加幾蚊，拉花幾靚，綠茶味同奶味濃郁，但飲落去有少少綠茶粉未融哂既確喉感，唔太舒服。餐廳放滿左郵筒、結他等擺設，有一個放滿左名信片既角落，食完可以選購充滿香港特色既小物或者影下相，算係幾有情調既餐廳。玩得旅行青蛙多，黎到小巷中呢間充滿旅遊擺設、只見貓不見人既小店其實幾岩feel。 環境係幾靚，但食物質素有待改善。…查看更多

因為買了團購，所以幾經波折，都要找到這間位處後巷的餐廳，幾難搵都要去，哈哈～～ 團購價錢$10一份心太軟甜品確實是抵食，物超所值。晚餐時段，餐廳客人很少、很靜，只有不到10個客人，很有渡假feel，看看餐牌有什麼好食，飯類只有兩款，但肚有點餓，仍選了一個鰻魚飯，漿汁太甜，不是我杯茶。餐廳內有貓同台吃飯。隔離枱s 走了一小時, 仍然沒有人收拾，原來餐廳寫明不設服務，無講笑。用餐後我也入鄉隨俗自行收拾自己張枱，去到bar 枱提醒店員記得在open rice確認我的訂坐（因為當時在apps內見到我的狀態仍是「等待確認」, 店員回答我説一陣會在open rice確認的，於是我便離開了。但今天再看apps, 狀態仍然是「等待確認」⋯⋯無言⋯⋯不會再去了⋯⋯…查看更多

行完山打算舒舒服服hea個遲來的午餐+下午茶。在OpenRice見到這間Cafe，好特別，還是我喜歡的明信片航海主題，於是決定去hea下。但這間店有點難找。在一個後巷裏，而且後巷的衛生不太好，令我有點卻步。好彩入到這間Cafe就有種別有洞天的感覺，一門之隔完全是兩個世界！門外門內都是明信片航海主題的佈置。頭頂上的地球燈勁靚，好想帶返屋企。身處Cafe裏心也在流浪了。座位很舒服，右手邊是大大張沙發卡位，沙發舒服到讓人昏昏欲睡。這裏講明不設服務，要到水吧落單、食完要把碗碟放回水吧側的枱面上。另外要紙巾、茄汁那些東西可以在水吧到拿。落完單就會有個牌子。店員是會拿食物給你的。所以其實也有服務啊！不過牌子她們不會收，吃完一次過和碗碟一起放上水吧吧。因為行完山太餓了，三點幾都要叫個飯吃。灼燒鰻魚飯丼，$68。鰻魚入口即溶，加上上面有芝麻、紫菜等配料，其實不蘸鰻魚醬汁已經好好味。灼燒鰻魚飯丼配有中華沙律。中華沙律有內有櫻花蝦，幾特別。朋友要了珍寶全日早餐，$98。份量很多。她吃完已經飽到喝不下飲品了。黑松露炒蛋很滑。煙三文魚很新鮮又大件。牛角飽很鬆軟香口，底下的沙律菜也新鮮。因為想hea，所以也叫了飲品。這杯波希米亞，$48，Soda顏色好靚，味道清新有花香。戀蝶，$48，顏色很配合它的名字。上面紫色底下黃色。其實是Soda加柑桔，最好攪拌飲，清清地有少少酸。這裏還有貓貓。每次牠們走過時，每枱食客都會低頭看著牠們經過，或摸牠們。看著牠們玩也可消磨一個下午，愛貓的人真不能錯過。這隻白色的行動很快，好難捕足到它的樣子。看看餐牌，有很多吃的喝的。我看見有枱喝著咖啡，用酒杯淺嚐，很專業。我第一次見。咖啡迷有機會可以試下。…查看更多

我甘耐以來未試過覺得一間餐廳差到要我去寫負評野食方面，首先明明openrice訂位會送心太軟，點知去到無人serve，要自己搵位都算😑仲要同walkin客一樣食滿350蚊先送，甘我又算數，就當便宜莫貪🙄之後明明佢個board話有咩咩咩野食咩咩咩野飲，我去到叫佢話個個係outdate,你只能叫餐牌有既野到我叫左個龍蝦尾海膽味炒飯，快就快，點知2條龍蝦尾係未熟既😅 宜家我係叫龍蝦刺身咩🤔搞到我要叫個職員再整過，好彩無説話聽，宜家睇翻其他人既評語，原來都話過呢間餐廳有未煮熟就送餐既經驗其餘2款小食，雞翼同魷魚好彩都叫okay.....環境方面，雖然佢有牌寫要自己serve自己，食完執好碗碟俾翻職員，但都吾代表張枱可以吾抹，可以勁污糟架嘛餐廳自己寫既精神係 有錢係大哂 但吾好大我。我想講吾係有錯，但你地既態度 清潔度 同 野食質素吾代表可以甘差😠😡總括黎講，可一不可再 吾好揀去呢間食 實後悔…查看更多

灣仔食晚餐在香港郵意明信片航海主題咖啡廳，朋友講呢間餐廳有像航海般自由的氣紛，今晚果然睇到幾好。龍蝦味海膽味炒飯，炒飯好香好黏 ，蛋味濃，龍蝦有咬口因肉是彈牙的，只有新鮮龍蝦才會，海膽味令到飯帶有鮮味。咖啡撞雪糕，蛋糕索滿咖啡，好香，雪糕好有黏性，好有口感。心太軟，朱古力牛角酥好鬆好脆好香，雪糕好滑，心太軟濃濃朱古力心，溶得來好滑，蛋糕好鬆化，入口溶化。再飲個檸檬馬鞭草茶，檸檬茶苦澀中再回甘甜，清爽解膩，彷如人生苦盡甘來。…查看更多

灣仔開完會又攰又眼瞓，嚟到呢間香港郵意明信片航海主題咖啡廳，感受下旅行嘅氣氛輕鬆下，見到食客聚在一起上網。先食個和風炸魷魚酥，魷魚外脆內軟，外面有濃濃香野味醬味，好香好軟身，食左好多條都像初入口時好食，又能保持脆身濃厚味道。煙三文魚芝麻醬沙律，煙三文魚清新，總之令人覺得似食緊刺身，沙津菜好新鮮，撈埋芝麻醬好香好爽，急不住急速食時無儀態了。原條神戶灼燒鰻魚，鰻魚好林好像不用牙齒用力都可食，有著香味的鰻魚加埋醬汁啱啱好甜，骨都食埋好正。…查看更多

不知大家旅行時有沒有寄明信片給自己或朋友的習慣呢? 又或者有沒有收過朋友的明信片呢? 我兩樣都有, 但並不是一種習慣, 而是巧合。今晚約了一位朋友來到一間以明信片為題的Café, 邊吃邊分享他的非洲和箱根之旅經歷, 不知她在旅途了有沒有發現一些特別的明信片呢?又有沒有寄明信片給朋友呢?咖啡室位置較隱蔽, 在小巷之內, 就好似在旅途中偶然遇上一些特色小店一樣。它以航海為主題, 故以藍色為主調, 亦選用一隻帆船為logo, 而門外還設有一個已很少見的大郵筒, 既有特色, 亦具代表性。  走進內裏, 裝潢富心思, 多處擺放了與航海有關的物品, 有地圖、帆船模型、旅遊書籍、郵筒模型等等, 而最吸引我細看當然是各式各樣的明信片。除了有大量出售給客人的明信片外, 牆身亦掛上一些寫下回憶字句的明信片, 的確很有收藏價值。雖四處放了不少擺設, 但地方也挺整齊企理, 座位亦不少, 一邊設有六張二人枱, 另一邉則設六七張二至四人枱, 近門口還有一張八人大長枱, 配有圓櫈、方櫈和沙發座, 而最入端便是下單處跟水吧區和廚房重地。看完明信片, 就是時候看餐牌。吃! 還是較重要, 哈! 除餐牌外, 黑板上也寫滿推介菜式, 色彩繽紛, 幾搶眼。菜式選擇不算多, 主要分全日早餐、丼飯、主套餐和小食, 而飲品分五大類, 有Official Coffee、Flavour Coffee、Non-Expresso、Soda Drinks和Hot Tea。******************************特盛灼燒鰻魚飯丼 Jumbo Unagi Don ($98)嘩嘩嘩! 特盛果然厲害，原條鰻魚上陣，又肥大又厚身，相當有份量。鰻魚 底面同樣燒得金黃，沾上照燒汁，灑了甘香的芝麻，味道鹹香帶甜，烹調入味，雖還配有一小碗照燒汁，但個人認為無需添加已很夠味。把其挾開，霧出熱煙，熱度十足，魚肉柔軟嫩滑，而魚皮就煙煙韌韌，帶有一層油脂，肥美油潤，舀一羮白飯同吃，更加滋味滿足。雖配有一小碗爽口入味的中華沙律，但還是覺得蔬菜的比例太少，若然伴些沙律菜便更理想。******************************另點一客龍蝦尾海膽味炒飯 Lobster Sea Urchin Sauce Fried Rice ($128)，份量中等，但都有原條龍蝦尾。龍蝦尾開半，面頭沾滿海膽醬，味道不算很濃，稍稍鹹香。龍蝦尾 挺肉厚，肉質爽口彈牙，也不錯！炒飯 炒得乾身，米飯粒粒分明，並不油膩，讚！入了雞蛋、蔥花 和小蝦乾，用料簡簡單單，能嚐到少許海膽醬的甘香味，但不算香濃，多添一點會更吸引。******************************香橙莫卡 Orange Mocha Cafe Latte ($42)拉了一朵多瓣的心花形圖案，清晰挺身，再在沖入暖奶前灑了可可粉，多些點綴，更加優美。而咖啡面層毫無粗泡，圖案剛好佔了整個咖啡面，而且喝到尾聲，還很清楚，可見咖啡師的手藝了得！放埋咀邊，聞到陣陣咖啡香令人醒神；呷一口，溫度剛好，入口順滑，滿有橙香 香甜，又嚐到咖啡 和朱古力 的甘苦，三者味道取得平均，沒有搶出風頭，而且不算甜膩感，不論賣相和味道也很討我歡喜。******************************熱情果梳打 Passion Fruit Soda ($38)用一隻膠杯盛載，感覺不太環保，亦沒有任何裝飾，賣相較普通。偷呷數口，冰涼透心，啖啖熱情果香，酸酸甜甜，開胃解喝，味道不錯！------------------------------其實都未必要旅行時才可寄明信片, 只要發現一張有意思、有紀念價值, 是或喜歡的也可寄給朋友, 我今晚就在這間咖啡室找了好幾張, 希望收到它們的朋友會感到驚喜。其實我也等一張明信片, 很希望這位常外遊的朋友下次旅行時也會寄一張當地的明信片給我, 不知她下一站是……查看更多

文青風盛行, 得閒要去偽文青一下~呢間cafe係工業風設計,樓底好高,天花板ge橫樑吊住好多post card,兩邊牆上面ge佈置都好航海feel,搞到我勁想去旅行~哈哈~呢度環境舒適, 氣氛悠閒, 仲有兩隻貓貓店長得閒會出黎應酬下客人,(雖然有幾次俾白貓貓聲嘶力竭ge叫聲嚇親,但係作為愛貓之人係絕對唔會因此而嫌棄佢gar~)如果坐到沙發位ge話真係想o係度嘆下咖啡,坐o係度發呆發一日~超中意食鰻魚,所以叫左個鰻魚飯同埋鰻魚厚燒玉子~玉子整得唔錯, 半流心狀, 超滑~鰻魚飯大大條, 不過如果多D鰻魚汁會再好D~芝士糯米釀雞全翼係出乎意料地好食~煎到o岩o岩好, 外面香脆, 裡面多汁, 好味~我飲左香芋latte, 香芋味唔算太濃, 不過口感都算滑, 不過不失~…查看更多

網上見到團購，每個月都會試下特別餐廳，就揀左呢間航海、旅遊同貓貓集於一身嘅咖啡店，外面藍色嘅設計感覺幾靚，有啲似韓國嘅common ground!喺小路轉入去，都唔易搵嘅隱世店嚟㗎入到裡面有幾隻貓貓，店內以自助形式，寫到明冇服務，麻煩大家自己嚟～貓貓們都幾有性格，唔一定痴人，做得貓奴就預咗All day breakfast (珍寶全日早餐）同部隊鍋一樣係充斥簡單食材，但係又係好正嘅選擇🥞黑松露配炒蛋真係冇得輸，係塊煙肉太硬破壞咗個和諧，好彩有兩個外脆香牛油嘅牛角包bb補數💕芝士糯米釀無骨雞翼味道其實唔錯，有少少辣（我連黑椒都覺得辣）但惹味，可惜個皮膿咗少少，同埋好飽肚，兩個人食真係好飽！店內有好多旅遊書，同朋友一齊研究旅行好去處真係perfect池啦大大隻手感一流嘅小火龍已mark做偽文青駐腳好去處…查看更多

I was introduced to the WanChai Post collection restaurant I have studied the address a bit Read many posts on Open rice still I need some effort to get there in between Hennessy rd And Wan Chai rd But on a lane feel mysterious and full of memories of posting and the old even the menu and lighting Special Sparks ⚡️ and green suddenly I realise I am spending much time on photo taking I aim at eating And the feeling of mailing hobbies heard the flowers 🌺 coffee ☕️ has a great name very romantic indeed 42$longest eel Delicious 😋 😿😊🤣⚡️Soft and mandarin male 🎶 singing sweet love songs Makes me feel like 🇹🇼 Taiwan Kaoshung in fact A harbour full of young Taiwan beauties I love her-the eel Big I am delighted I have time to day afternoon The rose kissed cream coffee waiting for meOk thanks I just have some time Friends told me Coffee here is okay The point is We must have time Think it's my luck too Old But not too old To enjoy a great coffee ☕️ and a Urchin lobster legs rice 🍚 Some wood fish thin pieces (skipjack tuna dried)on top128$ only Fair💪👏Now The song playing is I can Fly …查看更多