川館 (大王東街)

營業中

休息中

本身係灣仔住，附近都有好多唔同嘅中菜。而呢張川館平時都有好多人排隊，所以今次專登搵咗個食得辣嘅朋友一齊試下！😋😋😋.臭豆腐辣子雞通常臭豆腐都係街邊小食，同辣子雞一齊炒就第一次見。抱着好奇心嘅我當然趁着特價試一試，結果冇失望！臭豆腐炸到脆卜卜，味道真係有啲似街邊嘅臭豆腐😂雞粒一樣炸到好香口，估唔到又幾夾！辣子軟殼蟹軟殼蟹真係做到外脆內軟，外邊炸到非常之爽口，入邊蟹肉保持肉質軟嫰，再加入大量乾辣椒，好香口！👍🏻👍🏻👍🏻麻辣安格斯牛肉炒飯呢個炒飯炒得幾入味，炒飯粒粒分明，安格斯牛肉連埋辣椒醬汁一齊炒，果然夠晒風味！😃😄😄整體嚟講餐廳嘅食物都非常美味，而且辣度適中，不會太辣。👍🏻