川館 (大王東街)

營業中

休息中

今日想食香辣惹味嘅中菜，就去咗灣仔好多人幫襯嘅「川館」🫶🏻食物選擇豐富 無論鍾意食海鮮、蔬菜定係肉類都啱食，辣同唔辣都有，味道一流 值得試！餐廳闊落 好啱同朋友一齊食～2個人叫2-3個菜已經好飽😆黑松露蝦球（15隻）一上枱就聞到好香嘅黑松露味，啲蝦球又大粒又飽滿，望落就已經流曬口水，物有所值🤤加埋黑松露醬，味道好夾，仲配洋蔥同蒜苔炒，增添爽脆口感，好豐富～麻婆豆腐 少辣經典嘅川菜😍豆腐好滑，配埋啲肉碎同豆瓣醬，食落去又麻又辣，好惹味！🌶️ 少辣就唔會太辣，啱曬唔太食得辣嘅朋友，同白飯係絕配👍蔥爆牛肉推薦！牛肉炒得好嫩滑，京蔥嘅香味好突出，配埋啲醬油，送飯一流🍚🤤口水雞 少辣份量多！雞肉非常嫩滑，配埋佢哋嘅特製醬汁，又麻又辣，食落去好開胃！🍗辣度偏強🌶️

麻香青花椒烤魚 🐟 烤魚一上枱就香氣撲鼻，烤魚表皮微脆，肉質保持嫩滑，啖啖魚肉仍然多汁(⁎⁍̴̛ᴗ⁍̴̛⁎)特別之處係用上新鮮青花椒，麻香感十足，每一口都有陣陣麻味在舌尖流轉，非常過癮～鍋底鋪滿土豆、豆皮、蓮藕等配料，吸曬魚汁同青花椒油，辣中帶麻，鹹香惹味，令人一試難忘💕💕樂山辣子雞 🐣 🌶️ 辣子雞色澤紅潤，香辣下飯，雞肉外脆內嫩，炸得剛好，唔會太乾太韌!大把乾辣椒和花椒一齊爆炒，香氣十足，每啖都夠晒刺激😛胡椒麻香同辣味層層堆疊，令人一啖接一啖食唔停口，入口辣得過癮，但唔會搶走雞肉原有鮮味~配白飯或啤酒特別適合，絕對係下飯一流嘅重口味之選!豆漿 🥤 豆漿入口順滑，豆香濃郁，帶住天然甜味，唔會太膩，用嚟中和麻辣菜式嘅刺激好啱～飲一啖豆漿可以舒緩下口腔嘅辣麻感，轉換味蕾之餘又有飽肚感

講到食川菜，除咗乾鍋之外，必定是點老壇酸菜魚，惹味又開胃，入面超多料，魚片、老壇酸菜、萵筍、寬粉、雞髀菇、白蘿蔔片、黑木耳等，湯底香濃，整體小辣的辣度及調味都剛剛好！個人大推螞蟻上樹，好有鑊氣，足料好惹味，我同朋友都係咁夾！尖椒牛肉同樣惹味，尖椒籽清理得乾淨，冇乜點食到好辣嘅尖椒片，牛肉炒完仲係好嫩～如果佢可以再乾身啲就更正！平時食川菜通常都會點酸梅湯，開胃解油膩～夏天必點冰粉，飯後食透心涼！價錢參考：

最近有機會到灣仔的一家川館用餐，味道真係經典川菜。菜色選擇多元，口味偏向香港本地人能接受的川菜風格，可以揀少油少辣辣度與麻度適中。糖醋里脊 今日推介菜 喺糖醋里脊 外皮酥脆，糖醋醬汁酸甜適中。豬肉不會過於乾柴，入口有肉香。里脊如果冇記錯，東北菜都經常見到。宮爆雞丁 雞丁炒得香口，花生脆口，醬汁微甜帶點辣味，揀bb 辣沒有太過刺激的辣感，適合不能吃太辣的食客。酸辣土豆絲 土豆切得較細，保留脆口感。酸辣味道明顯，但比起傳統四川食到嘅，酸味較突出，辣味較輕。作為開胃小菜，好味呀。成都辣肉碎炒飯 炒飯粒粒分明，配上辣肉碎，香氣濃郁。辣味較溫和，肉碎分量適中，最重要不會太油膩。有穫氣乾煸四季豆 四季豆炒得乾身入味，豆香突出。肉末與辣椒搭配得宜，略帶鹹香，整體味道不會太重，適合配飯享用。荔枝沙冰 其實喺估唔到川菜沙冰 比泰國野仲好飲口感細膩，荔枝味清新，甜度適中，清涼解膩，食完辣 立即清新勁多 而且唔太甜 有一種爽嘅感覺凍柚子蜜 飲品清爽解渴，柚子蜜味道天然。帶有淡淡柚子香，適合搭配較濃味的川菜。作為日常聚餐、家庭聚會，這裡是個不錯的選擇。而且有全日套餐 午市套餐 其實70蚊已經有

I am always craved for spicy food🌶️And this resto really is a hidden gem! I was particularly drawn to their dry-fried pig intestine. The pig intestines were so crispy and crunchy🫣It’s not too heavily seasoned, just a bit spicy, and not too oily, a perfect dish to serve with beer😝The stir-fried yellow beef is also nice too. The beef is tender, well-fried, a bit chewy and beefy. The veggies are good side dish as well.😋I also found the pickled baggage boiled fish very tasty. The fishes are boneless

店舖充滿濃厚嘅四川風情，坐得舒服，店員招呼周到，食物非常惹味涼拌魚皮選用新鮮魚皮，口感爽滑，搭配香菜、蒜末➕特製酸辣醬汁，雖然都真係幾辣下，但令人不停地一口接一口老壇酸菜魚呢個超豐富，魚片鮮嫩香滑，配料🈶木耳、芽菜、酸菜、薯粉、萵筍等，食落酸香麻辣，十分惹味糖醋里脊份量都算多，酸甜嘅醬汁均勻包裹住肉塊，肉質香口，咬落啖啖肉紅糖糍粑外層非常酥脆，內裡Q彈軟糯，點上紅糖漿食就更滋味凍豆漿都好大杯，飲落好香豆味，入口細膩冇豆渣火龍果沙冰以新鮮紅心火龍果製作，色澤鮮豔誘人，既解暑又健康

去咗灣仔嘅「川館」食晚飯，真係好有驚喜！😍 間舖頭喺軒尼詩道附近，灣仔地鐵站B2出口行幾步就到，方便到震～ 一見到佢紅噹噹嘅門面，已經feel到濃濃嘅四川風情，入到去仲勁有氣氛，成間店以紅色做主調，坐得又舒服，雖然係小店但一啲都唔逼夾！👍今次同朋友試咗幾樣嘢，真係款款都有驚喜！首先必推「蒜香烤魚」🐟，魚肉鮮嫩得嚟又入味，蒜香味勁濃郁，辣度啱啱好，食到停唔到口！心大心細想試埋佢哋嘅雞煲，但個胃唔爭氣，唯有留返下次再戰～😆另外叫咗「蔥爆牛肉」🥩，牛肉炒得夠鑊氣，蔥香撲鼻，肉質嫩滑唔韌，送飯一流！仲有個「成都辣肉碎炒飯」🍚，辣辣哋好開胃，肉碎同飯炒得均勻，食到最後一粒飯都唔放過！飲品就叫咗Coke Zero，解辣啱晒！🥤總括來講，呢間川菜館絕對值得encore！價錢合理，味道正宗，下次一定要試埋佢個雞煲～ 推薦俾鍾意食辣嘅朋友！🌶️

今晚同屋企人去灣仔川館食酸菜魚，好有家庭氣氛！酸菜魚魚片滑嫩，酸辣鮮香，湯底好開胃，送飯一流。配埋小食同辣椒油更惹味~老壇酸菜魚叫左少辣魚片滑嫩細膩，湯底酸香醒胃，酸菜爽脆不過鹹，微辣提升鮮味又不搶戲。魚湯透著淡淡花椒香，酸辣層次平衡口水雞叫左少辣雞肉嫩滑多汁，辣油香氣撲鼻但辣度輕柔，配合花椒麻香和花生碎，帶點微甜酸味，醬汁濃郁掛味泡椒肥腸 肥腸外皮微脆、內裡彈牙，完全無腥味，泡椒酸香微辣滲入每一口肥腸，鹹鮮開胃乾煸四季豆 四季豆炒得略帶焦香，外層微脆、內裡清甜；豬肉碎及蒜蓉粒粒分明提升鹹香，口感豐富，鹹香惹味又唔油膩。

灣仔巷內小店係一間渝川菜館 餐牌上有多款種類既川菜可以選擇!🌟老壇酸菜魚湯底味道夠濃又夠麻辣 且鮮甜不油膩 而且可以自選辣度老壇酸菜口感爽脆酸度亦適中 魚肉嫩滑鮮香 亦唔會一夾就散 配料仲有萵筍,煙韌兼掛湯既薯粉!😋🌟農家小炒肉爆炒過肉片同辣椒 香氣四溢肉質嫩滑加上微辣既青辣椒食落好開胃💯🌟手撕包菜包菜好爽脆加上爆香左既蒜同干辣椒等帶濃郁香氣和辣度🌶️🌟蕃茄炒蛋炒蛋滑嫩搭配酸甜既蕃茄非常好送飯🍚

餐廳門口的紅噹噹設計好吸睛，室內係簡約中國風，整潔明亮，適合三五知己聚餐。🐟老壇酸菜魚（招牌必點）酸菜醃得夠透，酸香鮮明但不刺喉，湯頭金黃微辣夠正宗。魚肉選用鱸魚片，嫩滑無骨，吸飽湯汁後仍保持彈性。鍋底仲有煙韌火鍋寬粉，彈牙飽肚。🍤黑松露炒蝦球蝦球足足15隻大蝦球絕不誇張！每隻飽滿爽脆鮮甜，黑松露醬超香濃。仲有大量蒜心、紫洋蔥、黑木耳堆成小山，鑊氣足且蔬菜爽脆。🥬清炒翡翠菜名雅致，炒實為萵筍。入口無渣，辣度輕微但惹味，大火快炒鎖住碧綠脆感，解膩首選。🍹柚子梳打巨杯登場！酸甜清新，配重口味川菜解辣一流。🌟餐廳環境舒適不侷促，菜式調味可調節，且份量豪爽得驚人。

全日都唔知點解好想食辣嘢收工就去咗灣仔呢間川館食飯 一睇個名就知佢係食四川菜 連間舖頭出面都係紅色嘅餐廳面積唔算好大 不過座位都好闊落 仲有大圓枱一班人嚟食都得牆上仲有啲川劇嘅裝飾店員親切有禮 埋完單嗰陣落好大雨都有主動叫我哋可以留耐啲等冇咁大雨先出去雜錦香鍋 $238香鍋成個鍋上 份量十足 有好多唔同嘅配料 有海蝦 午餐肉花椰菜 蓮藕 炸豬大腸同薯條成個香鍋都炒得好香口 辣辣地食落好惹味 海蝦夠新鮮 午餐肉咬落好香脆 麻婆豆腐 $78白飯 $13麻婆豆腐啲豆腐好嫩滑 食落唔會好油膩 花椒味啱啱好唔會太麻辣  用嚟送飯一流麻辣小酥肉 $68小酥肉咬落外層酥酥脆脆 食落有微微嘅咸香 炸粉唔會太厚 點埋辣椒粉一齊食 香得嚟又唔會太搶紅糖糍粑 $58紅糖糍粑好大份足足有八件 呢個價錢真係好抵食 糍粑咬落去軟軟糯糯 表面淋上黃豆粉 再配搭紅糖一齊食 口感層次豐富荔枝沙冰 $45荔枝味嘅沙冰比較少見 沙冰打得好棉滑 大大杯 每啖都飲道清甜濃郁嘅荔枝味凍豆漿 $16

在灣仔看到大紅色的店舖，便過去看看！原來是一家川菜館！老壇酸菜魚味道酸爽可口，酸菜的酸味與魚肉的鮮嫩完美結合，湯底清爽而不膩，魚片滑嫩，搭配酸菜的脆口，讓有彈牙的寛粉，層次感十足，讓人一口接一口。口水雞調味料的香辣與花生醬的濃郁相互交織，令人垂涎欲滴。雞肉鮮嫩小炒黃牛肉牛肉的鮮香與青椒的清脆相得益彰，調味適中，讓人回味無窮。牛肉嫩滑，炒至剛好，保持了肉質的彈性乾煸四季豆四季豆经过乾煸的方式处理，使其外表香脆，搭配蒜頭、肉醉和辣椒，好開胃！吃完那麼多辣菜式，最後當然要叫一杯芒果沙冰解解辣！

同老公去咗灣仔嘅川館食晚飯，店舖位於軒尼詩道附近，環境帶有濃厚四川風情，餐廳以紅色作為主調，好有氣氛，滿滿四川風味！🐟 老壇酸菜魚 Pickled Cabbage Boiled Fish魚片新鮮滑嫩，酸菜味濃郁帶微辣，湯底熱辣過癮，配有金菇，粗薯粉，雞髀菇片，食落開胃又滿足。🍗 宮爆雞丁 Kung Pao Chicken雞丁炒得嫩滑，花生同乾辣椒香脆，醬汁甜辣平衡，配飯一流，味道地道🍚 川館炒飯炒飯粒粒分明，配蝦仁同蛋香，略帶川菜嘅麻辣風味，熱辣辣送飯啱啱好。🍮 紅糖糍粑 Brown Sugar Ciba糍粑外脆內軟，紅糖香甜濃郁，熱辣辣，食幾件都唔膩。🍧 桂花冰粉 Osmanthus Ice Jelly冰粉滑溜清涼，桂花香氣淡淡，配蜜糖同果仁，解辣又清新，做收尾啱啱好。川館嘅菜式味道正宗，麻辣風味突出，食材新鮮，環境熱鬧又有特色，係灣仔搵川菜嘅一個好選擇。午飯或者晚飯時間都有熱食，價位性價比高，期待下次再嚟試其他川菜！

同你講 食辣會上癮 你信唔信反正我信了 所以琴日收工又去搵辣嘢食 喺大王東街有間紅噹噹招牌一睇就知食係辣嘢啦 原來係食四川嘢咁我唔客氣喇 樣樣都想食 下次都係約埋成班同事嚟可以食多啲款式 叫完嘢食差唔多樣樣嘢都係紅色🤣不過全部叫小辣 都接受到 🆗️ 🐥口水雞雞肉嫩滑 嗦晒辣油 有齊花椒 辣椒 香味撲鼻 👵🏼麻婆豆腐豆腐配辣肉碎用嚟撈飯就最正 但就咁食都唔差豆腐好滑溜 味道唔係死辣 🥬大腕菜花辣炒椰菜花加薄肉片都係香口嘢 🐷糖醋里脊今餐唯一一樣唔辣嘅嘢食酸酸甜甜幾開胃 份量都唔少可以幫手中和吓啲辣味 🍜四川涼麵第一次食呢款涼麵用辣椒油兜勻成碗麵再加埋青瓜絲 雙重口感 🧊桂花冰粉食親辣嘢 一定叫碗冰粉balance番面頭有提子乾 花生碎食落解辣之餘 仲可以降埋溫 🧧鴻運當頭火龍果沙冰用咗 紅肉火龍果連埋冰一齊打成杯好eye catching飲落仲要幾smooth 好健康嘅飲品

Visited here with my sis to comfort her. .I ordered Pickled Cabbage Boiled Fish with Rice, choosing medium spiciness. The boiled fish was incredibly silky, substantial, and plentiful in portion. It absorbed the flavours of the spicy and sour broth, resulting in a savoury and delicious combination. My sis ordered Malatang, selecting pork belly and luncheon meat as the ingredients. The Malatang was not that memorable in comparison. The pork belly was tender though. Our lunch set also included an a