冒喜 (杜智臺)

營業中

休息中

今日放工係灣仔偶然發現左呢間冒菜餐廳，第一眼就比店家大menu招牌吸引住，所以就入去。香港食肆眾多，我都係第一次聽主打四川冒菜，所以十分新鮮。餐牌亦有多款選擇，有辣有唔辣，任君選擇。我今次就揀左六餸吉祥套餐，都係$66，價錢很相宜，湯底揀左生椰蕃茄湯，味道好特別，微微的酸味融入椰子，感覺好balance，對於蕃茄湯底愛好者絕對可以試試。6款配料揀左潮汕手打牛肉丸，滑牛肉，豬大腸，貴州丁家脆哨，豆腐串和娃娃菜，麵底揀左寬粉。配料方面我最鍾意係潮汕手打牛丸和豆腐串。手打牛丸口感十足，真係好彈，又有牛味，非常推薦。豆腐串是炸油揚豆腐串埋一齊，吸取生椰蕃茄湯底精華。另外貴州丁家脆哨是店家主打招牌之一，類似豬油渣，口感脆脆的。另外我也叫了一款小食，四川冒菜當然要品嚐一下佢嘅辣，點了涼拌酸辣土豆絲，土豆絲十分爽口，辣到果然不一般，對於平時點微辣的我來說，但是這個難度非常好吃，會令你一口接一口唔想停，食辣嘅朋友可以挑戰其他小食。酸梅青檸茶店家特色飲品之一有呢款酸梅青檸茶，茶底用上烏龍茶，配上酸梅、青檸檬，酸酸甜甜，減輕辣嘅刺激感。套餐配料湯底有好多選擇，等我下次嚟試吓其他先。