影片
更多
2023-05-16
49 瀏覽
💎總評分：7.0/10-「坡椰坡囉咪」呢間餐廳未食個名都已經令人留下印象，店員話有人以為係食齋，又幾似嘅😂，其實餐廳係食新加坡菜，肉骨茶、叻沙、串燒等🇸🇬，價錢喺灣仔算係抵食之選，晏晝仲有lunch set平啲之餘仲跟餐飲🍽️，所以lunch hour都好多人！1️⃣ 焗農夫咖喱包配咖喱牛脷 $85分別可以揀厚切豬扒🐷、香茅雞扒🐔、牛筋腩🐮，小編就揀咗最為特別嘅牛脷！農夫包入面嘅咖喱汁已經多到要滿瀉😙，仲另外有一兜俾你慢慢點麵包。牛脷數數下都有7至8片👅，塊塊都勁巨型同厚切，煮得好淋但不失嚼勁😋！咖哩可以揀印度風味，但嚟得呢度緊係要試新加坡咖喱啦🥘！咖喱香味十足，辣味點到即止，尤其配埋焗到脆卜卜嘅農夫包，好邪惡呀🤤！2️⃣ 海南雞飯套餐 $70另一個主食揀咗個比較清淡但依然係新加坡出名嘅海南雞飯🐔，雞髀位肉質嫩滑，若然起埋骨就仲好啦，油飯唔會過份油膩🍚，最鍾意佢個湯好有誠意，入面有湯渣，飲落唔覺有味精，仲配埋個菜添🥬，樣樣俱全！3️⃣ 沙嗲串燒(半打) $84拼盤形式3串豬3串雞🍢~味道就夠晒惹味啦！小編連醬都無點，不過如果雞肉可以滑反少少就更好🫢！4️⃣ 瀑布拉茶 $25人氣必點每枱都見到，因為賣相好
-
「坡椰坡囉咪」呢間餐廳未食個名都已經令人留下印象，店員話有人以為係食齋，又幾似嘅😂，其實餐廳係食新加坡菜，肉骨茶、叻沙、串燒等🇸🇬，價錢喺灣仔算係抵食之選，晏晝仲有lunch set平啲之餘仲跟餐飲🍽️，所以lunch hour都好多人！
1️⃣ 焗農夫咖喱包配咖喱牛脷 $85
分別可以揀厚切豬扒🐷、香茅雞扒🐔、牛筋腩🐮，小編就揀咗最為特別嘅牛脷！
農夫包入面嘅咖喱汁已經多到要滿瀉😙，仲另外有一兜俾你慢慢點麵包。牛脷數數下都有7至8片👅，塊塊都勁巨型同厚切，煮得好淋但不失嚼勁😋！咖哩可以揀印度風味，但嚟得呢度緊係要試新加坡咖喱啦🥘！咖喱香味十足，辣味點到即止，尤其配埋焗到脆卜卜嘅農夫包，好邪惡呀🤤！
2️⃣ 海南雞飯套餐 $70
另一個主食揀咗個比較清淡但依然係新加坡出名嘅海南雞飯🐔，雞髀位肉質嫩滑，若然起埋骨就仲好啦，油飯唔會過份油膩🍚，最鍾意佢個湯好有誠意，入面有湯渣，飲落唔覺有味精，仲配埋個菜添🥬，樣樣俱全！
3️⃣ 沙嗲串燒(半打) $84
拼盤形式3串豬3串雞🍢~味道就夠晒惹味啦！小編連醬都無點，不過如果雞肉可以滑反少少就更好🫢！
4️⃣ 瀑布拉茶 $25
人氣必點每枱都見到，因為賣相好有氣勢😎，啲泡泡多到流晒出嚟成個瀑布咁🫧，值得一讚味道唔會非常甜🧋，食完飯再飲都唔會覺得太膩！
雖然係貼地之選，但新裝修環境舒服😌，唔會太過迫夾，附近咁多office💼，啱晒喺呢度返工嘅打工仔！
-
環境服務：⭐⭐⭐
食物質數：⭐⭐⭐
打卡指數：⭐⭐⭐
張貼
